Prashnottara - VNP021

ಹರಿವಾಸರ ಎಂದರೇನು?


					  	

ಗುರುಗಳಿಗೆ ನಮಸ್ಕಾರಗಳು.. ದಯವಿಟ್ಟು ಹರಿವಾಸರದ ಬಗ್ಗೆ ತಿಳಿಸಿಕೊಡಿ. — ಹರಿಪ್ರಸಾದ್ ಹರಿವಾಸರವನ್ನು ತಿಳಿಯಲು ದಶಮೀವೇಧದ ಕುರಿತು ಮೊದಲು ತಿಳಿಯಬೇಕು. ದಶಮೀವೇಧ ಎಂದರೇನು. ಸೂರ್ಯೋದಯಕ್ಕಿಂತ ಮುಂಚಿನ 96 ನಿಮಿಷಗಳನ್ನು ಅರುಣೋದಯ ಎನ್ನುತ್ತಾರೆ. ಈ ಅರುಣೋದಯಕ್ಕಿಂತ ಮುಂಚಿನ 32 ನಿಮಿಷಗಳಲ್ಲಿ, ಅಂದರೆ ಸೂರ್ಯೋದಕ್ಕಿಂತ ಮುಂಚೆ 2 ಗಂಟೆ 8 ನಿಮಿಷಗಳಲ್ಲಿ ದಶಮೀ ಇರಬಾರದು. ಅದಕ್ಕಿಂತ ಮುಂಚೆಯೇ ದಶಮೀ ಮುಗಿದು ಬಿಟ್ಟಿರಬೇಕು. ತಿಥಿಯನ್ನು ಲೆಕ್ಕ ಹಾಕಲು ‘ಸದ್ಯಕ್ಕೆ’ ಮೂರು ಗಣಿತಗಳಿವೆ. ದೃಗ್ಗಣಿತ, ಸೂರ್ಯಸಿದ್ಧಾಂತ ಮತ್ತು ಆರ್ಯಭಟ ಎಂದು. ಇದರಲ್ಲಿ ಏಕಾದಶಿಗಾಗಿ ಆರ್ಯಭಟದ ಪ್ರಕಾರವೇ ದಶಮಿಯನ್ನು ಲೆಕ್ಕ ಹಾಕಬೇಕು. ದೃಗ್ಗಣಿತವೂ ಅಲ್ಲ. ಸೂರ್ಯಸಿದ್ಧಾಂತವೂ ಅಲ್ಲ. ವಿದ್ಧೈಕಾದಶಿಯಂದು ಹರಿವಾಸರ ಬಂದೇ ಬರುತ್ತದೆ. ಹರಿವಾಸರ ಆರಂಭವಾಗುವಷ್ಟರಲ್ಲಿ ಆ ದಿವಸ ಪಲಾಹಾರವನ್ನು ಮುಗಿಸಬೇಕು. ಹರಿವಾಸರದ ಸಂದರ್ಭದಲ್ಲಿ ಏನನ್ನೂ ಉಣ್ಣಬಾರದು, ಕುಡಿಯಬಾರದು. ಏಕಾದಶಿಗಿಂತಲೂ ಮಿಗಿಲಾದ ಕಾಲ, ಹರಿವಾಸರದ ಕಾಲ ಎಂದು ಶ್ರೀಮದಾಚಾರ್ಯರು ತಿಳಿಸಿದ್ದಾರೆ. ಹರಿವಾಸರ ಎಂದರೇನು ಏಕಾದಶೀ ಆರಂಭವಾಗುವ ಘಳಿಗೆಯಿಂದ, ಮುಗಿಯುವ ಘಳಿಗೆಯವರಿಗೆ ಎಷ್ಟು ಸಮಯ ಇದೆ ಎಂದು ತಿಳಿದು ಕೊಳ್ಳಬೇಕು. ಇದನ್ನು ಆದ್ಯಂತಘಳಿಗೆಗಳು ಎನ್ನುತ್ತಾರೆ. ಇದನ್ನು ನಾಲ್ಕು ಭಾಗ ಮಾಡಬೇಕು. ಏಕಾದಶಿಯ ಆದ್ಯಂತ 60 ಗಳಿಗೆ ಇದೆ ಎಂದುಕೊಳ್ಳೋಣ. ಅದರಲ್ಲಿ 15 ಘಳಿಗೆಗಳ ನಾಲ್ಕು ಭಾಗಗಳಾದವು. ಈ ನಾಲ್ಕರಲ್ಲಿ ಕಡೆಯ 15 ಗಳಿಗೆಗಳು ಹರಿವಾಸರ ಎಂದು ಕರೆಸಿಕೊಳ್ಳುತ್ತದೆ. (ಹಾಗೆಯೇ ದ್ವಾದಶಿಯ ಹರಿವಾಸರವನ್ನು ತೆಗೆಯಲು. ದ್ವಾದಶೀ ತಿಥಿಯ ಆದ್ಯಂತ ಘಳಿಗೆಗಳನ್ನು ತೆಗೆಯಬೇಕು. ಇದನ್ನೂ ನಾಲ್ಕು ಭಾಗ ಮಾಡಬೇಕು. ದ್ವಾದಶಿಯ ಆದ್ಯಂತ 56 ಘಳಿಗೆ ಎಂದಿಟ್ಟುಕೊಳ್ಳೋಣ. ಆಗಲ 14 ಗಳಿಗೆಗಳ ನಾಲ್ಕು ಭಾಗಗಳಾದವು. ದ್ವಾದಶಿಯ ಮೊದಲ ಪಾದ ಹರಿವಾಸರ ಎಂದು ಕರೆಸಿಕೊಳ್ಳುತ್ತದೆ. ) ಈ ಏಕಾದಶಿಯ ಹರಿವಾಸರದ ಗಳಿಗೆ ಪಳಗಳು ಎಷ್ಟಿರುತ್ತವೆಯೋ ಅಷ್ಟನ್ನು, ಆ ದಿಪಸ ಸೂರ್ಯೋದಯದಿಂದ ಇರುವ ಏಕಾದಶಿಯ ಗಳಿಗೆ ಪಳಗಳಲ್ಲಿ ಕಳೆಯಬೇಕು. ಉಳಿದ ಗಳಿಗೆ ಪಳಗಳು ಯಾವಾಗ ಮುಗಿಯುತ್ತದೆಯೋ ಅಲ್ಲಿಂದ ಹರಿವಾಸರ ಆರಂಭ. ಹರಿವಾಸರ ಪ್ರತೀ ಏಕಾದಶಿಯಲ್ಲಿಯೂ ಬರುತ್ತದೆ. ಆದರೆ ಸಾಮಾನ್ಯವಾಗಿ ಏಕಾದಶಿಯ ರಾತ್ರಿಯಲ್ಲಿ ಮುಗಿದು ಹೋಗುತ್ತದೆ. ವಿದ್ಧೈಕಾದಶಿಯಿದ್ದಾಗ ದಶಮಿಯ ರಾತ್ರಿಯಂದೇ ಹರಿವಾಸರ ಬರುತ್ತದೆ. ಕಾರಣ ಏಕಾದಶಿಯಂದು ನಾವು ಊಟ ಮಾಡಿರುತ್ತೇವೆ. ಏಕಾದಶಿಯ ಕಡೆಯ ಪಾದ ರಾತ್ರಿಯ ವೇಳೆಗೆ ಆರಂಭವಾಗಿಯೇ ಆಗುತ್ತದೆ. ಏಕಾದಶಿಯ ಕಡೆಯ ಪಾದ ಆರಂಭವಾಗುವದರ ಒಳಗೆ ನಾವು ದಶಮಿ ರಾತ್ರಿಯ ಫಲಾಹಾರವನ್ನು ಮುಗಿಸಬೇಕು. ಕೆಲವು ಸಂದರ್ಭದಲ್ಲಿ ದ್ವಾದಶಿಯ ಮೊದಲ ಪಾದವು ದ್ವಾದಶಿ ಸೂರ್ಯೋದಯದ ನಂತರವೂ ಇರುತ್ತದೆ. ಆಗ ಅದು ಮುಗಿಯುವವರೆಗೆ ದೇವರಿಗೂ ಪಂಚಾಮೃತ ಅಭಿಷೇಕ, ನೈವೇದ್ಯವನ್ನು ಮಾಡುವಂತಿಲ್ಲ. ಆ ಹರಿವಾಸರದ ಕಾಲ ಮುಗಿದ ಬಳಿಕ, ಪಂಚಾಮೃತ ಅಭಿಷೇಕ ನೈವೇದ್ಯ, ಹಸ್ತೋದಕಗಳನ್ನು ಮಾಡಬೇಕು. ದ್ವಾದಶಿಯ ಮೊದಲ ಪಾದದವರೆಗೆ ನಮ್ಮ ಉಪವಾಸದ ನಿಯಮವಿರುವದರಿಂದ ಸೂರ್ಯೋದಯದ ವೇಳೆಗೆ ಪಾರಣೆ ಮಾಡದಿದ್ದರೂ ದೋಷವಿಲ್ಲ. ದ್ವಾದಶಿಯ ಮೊದಲ ಪಾದ, ಅರ್ಥಾತ್ ಹರಿವಾಸರ ಮುಗಿದ ಬಳಿಕವೇ ನೈವೇದ್ಯ, ಹಸ್ತೋದಕ, ಪಾರಣೆಗಳು. ಸಂಶಯವಿದ್ದರೆ ಕೇಳಿ. — ವಿಷ್ಣುದಾಸ ನಾಗೇಂದ್ರಾಚಾರ್ಯ


Share to facebook View Comments
1334 Views

Comments

(You can only view comments here. If you want to write a comment please download the app.)
  • H V SREEDHARA,Bengaluru

    8:31 PM , 04/07/2017

    ಆಚಾರ್ಯರಿಗೆ ನಮಸ್ಕಾರಗಳು. ನಾಳೆಯ ಹರಿವಾಸರ ಮುಗಿಯುವ ಸಮಯ ದಯವಿಟ್ಟು ತಿಳಿಸಿ. ಬೇರೆ ಬೇರೆ ಪಂಚಾಂಗ ಗಳಲ್ಲಿ ಒಂದೊಂದು ಸಮಯ ಇದೆ. ಯಾವುದು ಸರಿ ಎಂದು ಗೊಂದವವಿದೆ.
  • Srikanth b v,Bangalore

    3:05 PM , 03/07/2017

    ಅಚಾರ್ಯರೇ ಇನ್ನು ವಿಸ್ತೃತ ವಾಗಿ ಅತಿರಿಕ್ತ ಉಪವಾಸ ಮತ್ತು ಹರಿವಾಸರದ ವ್ಯತ್ಯಾಸ ತಿಳಿಸಿ
  • Hariprasad,

    12:24 PM, 28/04/2017

    ಆಚಾರ್ಯರೆ ದಯವಿಟ್ಟು ಅಕ್ಷಯ ತೃತೀಯ ಹಬ್ಬದ ಬಗ್ಗೆ ತಿಳಿಸಿಕೊಡಿ..

    Vishnudasa Nagendracharya

    ಅಕ್ಷಯತೃತೀಯಾದ ಆಚರಣೆಯ ಕುರಿತು ಲೇಖನ [VNA241] ಪ್ರಕಟವಾಗಿದೆ. 
  • Sangeetha prasanna,

    3:55 PM , 25/04/2017

    Gurugalige namaskargalu.Navy shaleyalliddaga bhagvadgeetheya purushottama yogo nama15ne addhyayavannu kalisi kottiddaru.aadare hennu makklu  pathisbaradu ennuttare. Namage sampoorn Geethe tilidukolluv aase ide.Kannada arthdalli. Dayavittu anugrahisihi

    Vishnudasa Nagendracharya

    ಖಂಡಿತ.
  • SHRIKAR,

    1:42 PM , 24/04/2017

    Thank you very much....For the clarification....
  • Hariprasad,

    7:35 AM , 24/04/2017

    ಆಚಾರ್ಯರಿಗೆ ತುಂಬಾ ಧನ್ಯವಾದಗಳು..
  • Laxmi Nagavi,Mumbai

    10:21 PM, 23/04/2017

    Nice 🙏
  • Achyut P Kulkarni,Belgaum

    2:52 PM , 23/04/2017

    Crystal Clear. 
    
    we are blessed to have you as our GurugaLu.
  • Anil Shenvi,

    1:29 PM , 23/04/2017

    Request to add the date on which this was posted. Since the Monday referred to in this article pertains to which date

    Vishnudasa Nagendracharya

    That redundant paragraph is removed. 
  • Shamala R,Bangalore

    7:42 AM , 23/05/2017

    ಗುರುಗಳೇ... ಆಹಿತ ಪ್ರತಿಮೆಗಳು ಎಂದರೇನು??? ಹ.ಕ.ಸಾ.18/19