Upanyasa - VNU320

MV120 ತಾರ್ಕಿಕರ ಖಂಡನೆ

03/10/2016 

ನೈಯಾಯಿಕರ ಖಂಡನೆ

ತಾರ್ಕಿಕರು ಪರಮಾತ್ಮನಿಗೆ ಸುಖವನ್ನು ಒಪ್ಪುವದಿಲ್ಲಘಿ. ಅನಂತಗುಣಪೂರ್ಣತ್ವವವನ್ನೂ ಒಪ್ಪುವದಿಲ್ಲಘಿ. ಕೇವಲ ಸರ್ವಜ್ಞತ್ವವವನ್ನು ಒಪ್ಪುತ್ತಾರೆ. ಅವರ ಸಿದ್ಧಾಂತವನ್ನು ಅನುವಾದ ಮಾಡಿ ಶ್ರೀಮದಾಚಾರ್ಯರು ಅದನ್ನು ಖಂಡನೆ ಮಾಡಿರುವ ರೀತಿಯನ್ನು ಇಲ್ಲಿ ನಿರೂಪಿಸಲಾಗಿದೆ. ಸಮವಾಯ ಎನ್ನುವ ಸಂಬಂಧವನ್ನು ಒಪ್ಪುವ ಅವರ ಸಿದ್ಧಾಂತದ ಪ್ರಕಾರ ಪರಮಾತ್ಮನಲ್ಲಿ ಅವನಿಗೆ ಅನಭಿಮತವಾದ ದುಃಖವನ್ನೂ ಪರಮಾತ್ಮನಲ್ಲಿ ಒಪ್ಪಬೇಕು, ನಮಗೆ ಅಭಿಮತವಾದ ಅನಂತಗುಣಪೂರ್ಣತ್ವವನ್ನೂ ಒಪ್ಪಬೇಕಾಗುತ್ತದೆ ಎಂದು ಇಲ್ಲಿ ಪ್ರತಿಪಾದಿಸಲಾಗಿದೆ.

ಪರಮಾತ್ಮನ ಅನಂತಗುಣಪೂರ್ಣತ್ವ

ಶ್ರೀಮದಾಚಾರ್ಯರ ಸಿದ್ಧಾಂತದ ‘ವಿಶೇಷ’ ಇದು ಎಲ್ಲ ವಾದಿಗಳೂ ಅನಿವಾರ್ಯವಾಗಿ ಒಪ್ಪಬೇಕಾದ್ದುಘಿ. ಸರ್ವರ ಅನುಭವಕ್ಕೂ ಬರುವಂಥದ್ದುಘಿ. ಆ ವಿಶೇಷದ ಅಸ್ತಿತ್ವವನ್ನು ಪ್ರತಿಪಾದಿಸಿ ಪರಮಾತ್ಮನ ಅನಂತಗುಣಪೂರ್ಣತ್ವ ಒಪ್ಪಲೇಬೇಕಾದ ತತ್ವ ಎಂದು ಪ್ರತಿಪಾದಿಸಿ ಉಪನ್ಯಾಸವನ್ನು ಗುರ್ವಂತರ್ಗತನಿಗೆ ಸಮರ್ಪಿಸಲಾಗಿದೆ.

Play Time: 31:50

Size: 5.63 MB


Download Upanyasa Share to facebook View Comments
3205 Views

Comments

(You can only view comments here. If you want to write a comment please download the app.)

  • Dilip Gopalakrishna,San Diego

    8:21 AM , 02/07/2020 

    "ಹಾಲಿನ ರುಚಿಯನ್ನು ಹಾಲಿನಿಂದ ಬೇರ್ಪಡಿಸಲಾಗುವುದಿಲ್ಲ" ಎಂಬ ಕಾರಣದ ಬಲದಿಂದಲೇ ಧರ್ಮಿಯಾದ ಹಾಲಿಗೂ ಅದರ ಧರ್ಮವಾದ ರುಚಿಗೂ (ವಿಶೇಷದ ಬಲದಿಂದ) ಅಭೇದವನ್ನು ಹೇಳಿದರೆ ಅದೇ ನಿಯಮವನ್ನು ಬಳಸಿ ಮಾಯಾವಾದಿಯು "ಜೀವನಿಂದ ಈಶ್ವರನನ್ನು ಬೇರೆಯಾಗಿ ಪ್ರತ್ಯಕ್ಷವಾಗಿ ತೋರಿಸಲು ಬಾರದಿರುವುದರಿಂದ ಅವರಿಬ್ಬರಲ್ಲಿ (ವಿಶೇಷದ ಬಲದಿಂದ) ಅಭೇದವನ್ನು ಒಪ್ಪುತ್ತೇನೆ" ಎಂಬ ಮಾತನ್ನಾಡಬಹುದಲ್ಲವೇ? ಅಲ್ಲಿಗೆ ಪ್ರತ್ಯಕ್ಷವಾಗಿಯೋ ಅನುಮಾನದಿಂದಲೋ ಆಗಮದಿಂದಲೋ ಒಟ್ಟಿನಲ್ಲಿ ಲಕ್ಷಣಕ್ಕೂ ಲಕ್ಷ್ಯಕ್ಕೂ ಭೇದವನ್ನು ತೋರಿಸಲು ಬಂದರೆ ಭೇದವಿದೆ, ಇಲ್ಲದಿದ್ದರೆ ಅಭೇದವಿದೆ ಎಂದು ಒಪ್ಪಬೇಕೇ?

  • Dilip Gopalakrishna,San Diego

    8:20 AM , 02/07/2020 

    ಗುರುಗಳೇ, ನಮಸ್ಕಾರಗಳು.
ಈ ಪ್ರವಚನದಲ್ಲಿ ನೀವು ನಿರೂಪಿಸಿರುವ ವಿಷಯಗಳು ಅದ್ಭುತವಾಗಿವೆ. ಹಾಗೆಯೇ, ಈ ಉಪನ್ಯಾಸಗಳು ಸಂಕ್ಷಿಪ್ತ ಪರಿಚಯಾತ್ಮಕವಾಗಿರುವುದರಿಂದ ಈ ಸಿದ್ಧಾಂತಗಳ ವಿಸ್ತೃತ ಚರ್ಚೆಯಲ್ಲಿ ತೊಡಗಲು ಸಾಧ್ಯವಾಗದ್ದೂ ಕಂಡು ಬಂದಿದೆ. ದೈವವಶಾತ್ ಎಂದಾದರೂ ಈ ವಿಚಾರಗಳನ್ನು ಸ್ವಲ್ಪ ಆಳವಾಗಿ ಅರ್ಥ ಮಾಡಿಕೊಳ್ಳುವ ಆಸೆ ನನ್ನದು. ಇರಲಿ, ಪ್ರಸ್ತುತದಲ್ಲಿ "ವಿಶೇಷ"ದ ಬಗೆಗೆ ನನಗೆ ಇರುವ ಕೆಲವು ಸಂದೇಹಗಳನ್ನು ಮುಂದಿಡುತ್ತಿದ್ದೇನೆ. ಅವಕಾಶ ಸಿಕ್ಕಾಗ ದಯವಿಟ್ಟು ಉತ್ತರಿಸುವುದು:

೧. ಜ್ಞಾನ, ಆನಂದಾದಿ ಗುಣಗಳು ಜಡವಷ್ಟೇ? ಅದು ಹೇಗೆ ಚೇತನನಾದ ಭಗವಂತನಿಗೂ ಜಡವಾದ ಗುಣಗಳಿಗೂ ಅಭೇದ ಸಿದ್ಧವಾಗುತ್ತದೆ?

೨. ಜೀವಿಗಳಿಗೂ (ಕಿಂಚಿತ್) ಜ್ಞಾನ, ಆನಂದ, ದುಃಖಾದಿಗಳು ಇವೆ. ಮೇಲೆ ಕಂಡಂತೆ ಜೀವಿಗಳ ಗುಣಗಳಿಗೂ ಜೀವಿಗಳಿಗೂ ಅಭೇದವಿದೆಯೇ?

೩. ಮೊದಲೆರಡೂ ಪ್ರಶ್ನೆಗಳಿಗೆ ಅಭೇದವಿದೆ ಎಂಬುದೇ ಉತ್ತರವಾದಲ್ಲಿ ಈಶ್ವರ-ಜೀವ-ಜಡಗಳೆಲ್ಲದಕ್ಕೂ ಅಭೇದ ಪ್ರಾಪ್ತವಾಗಲಿಲ್ಲವೇ?

  • Dilip Gopalakrishna,San Diego

    7:25 AM , 28/06/2020 

    ಅರ್ಧಂಬರ್ಧ ತಿಳಿದುಕೊಂಡ ವಿಚಾರಗಳ ಮೇಲೆ ಎಲ್ಲಾ ತರಹದ ಪ್ರಶ್ನೆಗಳನ್ನು ಮಾಡುತ್ತಿರುವುದಕ್ಕೆ ಕ್ಷಮೆಯಿರಲಿ. ಆದರೆ ನಿಮ್ಮ ಉತ್ತರ ಬಂದರೆ ಶಾಸ್ತ್ರದಲ್ಲಿ ದಾರ್ಢ್ಯ ಇನ್ನೂ ಹೆಚ್ಚುತ್ತದೆ ಎಂಬ ಕಾರಣಕ್ಕೆ ಈ  ಪ್ರಶ್ನೆಗಳನ್ನು ಮುಂದಿಡುತ್ತಿದ್ದೇನೆ. 

।। ಹರಯೇ ನಮಃ ।।

    Vishnudasa Nagendracharya

    ಪ್ರಶ್ನೆಗಳು ಬಂದಿಲ್ಲ