Upanyasa - VNU324

MV124 ಮೋಕ್ಷದ ಸ್ವರೂಪ

03/10/2016

ದರ್ಶನಪ್ರಪಂಚಕ್ಕೆ ಆಚಾರ್ಯರು ನೀಡಿದ ಎಚ್ಚರ

ಎಲ್ಲ ದರ್ಶನಗಳ ಮುಖ್ಯ ತತ್ವ ಅದು ಬ್ರಹ್ಮತತ್ವ ಅಥವಾ ದೇವರು, ಆ ದೇವರನ್ನು ಹೇಗೆ ತಿಳಿಯುತ್ತೇವೆಯೋ ಆ ರೀತಿಯಾದ ಲ, ಮೋಕ್ಷವುಂಟಾಗುತ್ತದೆ ಎನ್ನುವದು ಎಲ್ಲರೂ ಒಪ್ಪಿರುವ ಮಾತು. ಆದರೆ, ಆಯಾಯ ವಾದಿಗಳು ಪ್ರತಿಪಾದಿಸುವ ಸಿದ್ಧಾಂತದಿಂದ ದೇವರನ್ನು ಅನಿವಾರ್ಯವಾಗಿ ದುಃಖಿ ಎಂದೇ ಒಪ್ಪಬೇಕಾಗುತ್ತದೆ. ಅಂದ ಮೇಲೆ ಅದರ ಲವಾಗಿ ನಿಮಗೂ ಶಾಶ್ವತವಾದ ದುಃಖವೇ ಉಂಟಾಗುತ್ತದೆ ಎಂದು ಆಚಾರ್ಯರು ಎಲ್ಲ ವಾದಿಗಳಿಗೆ ಸಮಗ್ರ ದರ್ಶನಪ್ರಪಂಚಕ್ಕೆ ಎಚ್ಚರ ನೀಡುತ್ತಾರೆ. ಆ ಮಾತಿನ ವಿವರಣೆ ಇಲ್ಲಿದೆ.

ನಿರ್ವಿಶೇಷಮೋಕ್ಷದ ಖಂಡನೆ

ಅದ್ವೈತಿಗಳು ಒಪ್ಪುವ ನಿರ್ವಿಶೇಷ ಮೋಕ್ಷ ಎನ್ನುವದು ಅಸ್ತಿತ್ವದಲ್ಲಿಯೇ ಇಲ್ಲ ಎನ್ನುವ ಖಂಡನೆಯನ್ನು ನಾವಿಲ್ಲಿ ಕೇಳುತ್ತೇವೆ.

ಮೋಕ್ಷದ ಪರಿಶುದ್ಧ ಸ್ವರೂಪ

ಜ್ಞಾನ, ಇಚ್ಛೆ, ಸುಖ, ದುಃಖ, ಇವ್ಯಾವುವೂ ಇಲ್ಲದ ಅವಸ್ಥೆಯೇ ಮೋಕ್ಷ ಎನ್ನುವದು ನೈಯಾಯಿಕರ ಸಿದ್ಧಾಂತ. ಸುಖ ಜ್ಞಾನಗಳಿಲ್ಲದ, ಮರದ ಗೊಂಬೆಯಂತಾಗಲು ಯಾರೂ ಅಪೇಕ್ಷಿಸುವದಿಲ್ಲಘಿ, ಮತ್ತು ಆ ಸಿದ್ಧಾಂತದ ಪ್ರಕಾರ ಮೋಕ್ಷದಲ್ಲಿ ‘ಸ್ವರೂಪ’ವೂ ಇರಲಿಕ್ಕೆ ಸಾಧ್ಯವಿಲ್ಲ ಎನ್ನುವದನ್ನು ಪ್ರತಿಪಾದಿಸಿ, ಆಚಾರ್ಯರು ತಾವು ಪ್ರತಿಪಾದಿಸುವ ‘‘ಜೀವ, ಸಚ್ಚಿದಾನಂದಶರೀರದ ಜೀವ ಅನಂತಕಾಲದವರೆಗೆ ಪರಿಶುದ್ಧಸುಖವನ್ನು ಅನುಭವಸುತ್ತಾನೆ’’ ಎಂಬ ವೈದಿಕವಾದ ಮೋಕ್ಷದ ಸ್ವರೂಪವನ್ನು ಯುಕ್ತಿಗಳ ಮುಖಾಂತರ ಸಮರ್ಥಿಸುತ್ತಾರೆ. ಆ ಭಾಗದ ವಿವರಣೆ ಇಲ್ಲಿದೆ.

ಜೀವತ್ರೈವಿಧ್ಯಸಿದ್ಧಾಂತದ ಪರಿಶುದ್ಧಿ

ಬೇರೆಯ ಸಿದ್ಧಾಂತಗಳ ಅಸಾರತೆಯನ್ನು ಪ್ರತಿಪಾದಿಸಿದ ಆಚಾರ್ಯರ ಸಿದ್ಧಾಂತದ ಪರಿಶುದ್ಧಿಯನ್ನು ತಿಳಿಯುವ ಈ ಸಂದರ್ಭದಲ್ಲಿ, ಆಚಾರ್ಯರು ಪ್ರತಿಪಾದಿಸಿರುವ ಜೀವತ್ರೈವಿಧ್ಯ ಸಿದ್ಧಾಂತದ (ಜೀವರಲ್ಲಿ ಉತ್ತಮರು ಮಧ್ಯಮರು ಅಧಮರು ಎಂಬ ವಿಭಾಗವಿದೆ ಎಂಬ ಸಿದ್ಧಾಂತ) ಮೇಲೆ ಇಂದಿನ ಜನ ಮಾಡುವ ಆಕ್ಷೇಪಕ್ಕೆ ಇಲ್ಲಿ ಸಮರ್ಥವಾದ ಮತ್ತೊಂದು ಉತ್ತರವನ್ನು ನೀಡಿ (ಹನ್ನೆರಡನೆಯ ಸರ್ಗದಲ್ಲಿ ಮತ್ತು ಹದಿನಾರನೆಯ ಸರ್ಗದ ಉಪನ್ಯಾಸಗಳಲ್ಲಿ ಎರಡು ತಾತ್ವಿಕ ಉತ್ತರಗಳನ್ನು ನೀಡಲಾಗಿದೆ) ಮಧ್ವಸಿದ್ಧಾಂತದ ಪರಿಶುದ್ಧಿಯನ್ನು ಸಮರ್ಥಿಸಿ ಈ ಉಪನ್ಯಾಸವನ್ನು ಗುರ್ವಂತರ್ಯಾಮಿಗೆ ಸಮರ್ಪಿಸಲಾಗಿದೆ.

Play Time: 46:19

Size: 8.13 MB


Download Upanyasa Share to facebook View Comments
1581 Views

Comments

(You can only view comments here. If you want to write a comment please download the app.)
  • Chethanaraj Rao M,Udupi

    8:25 AM , 16/10/2017

    ಧನ್ಯವಾದಗಳು.
  • Chethanaraj Rao M,Udupi

    8:06 PM , 12/10/2017

    ಆಚಾರ್ಯರಿಗೆ ನಮನಗಳು. 
    
    ಇಲ್ಲಿ ಸಮಾಜ ಕಂಟಕನಾಗಿ ಬದುಕುತ್ತಿರುವ ಒಬ್ಬ ದುರ್ಜನನಿಗೂ ಕ್ಷಮೆ ಕೇಳಿ ಪರಮಾತ್ಮನ ಮೊರೆ ಹೊಕ್ಕರೆ ಅವನ ತಪ್ಪನ್ನು ಮನ್ನಿಸಿ ಮೋಕ್ಷ ಕೊಡುತ್ತಾನೆ ಎಂದಿದ್ದಾರೆ. 
    ಆದರೆ ಜನ್ಮ ಪೂರ್ತಿ ಸಮಾಜ ಕಂಟಕನಾಗಿಯೇ ಬದುಕಿದ್ದರೆ, ಪ್ರಾಯಶ್ಚಿತ್ತವನ್ನೇ ಮಾಡಿಕೊಂಡಿರದಿದ್ದರೆ, ಹೇಗೆ ಮೋಕ್ಷ ಹೊಂದುತ್ತಾನೆ? 
    ಮುಂದಿನ ಜನ್ಮದಲ್ಲಿ ಏನೂ ನೆನಪಿರುವುದಿಲ್ಲವಲ್ಲವೇ?

    Vishnudasa Nagendracharya

    ಇದನ್ನು ಹೇಳುವ ತಾತ್ಪರ್ಯ ಸ್ವಭಾವತಃ ದುಷ್ಟರಾದವರು ಎಂದಿಗೂ ಭಗವಂತನಿಗೆ ಶರಣು ಹೋಗುವದಿಲ್ಲ, ಅವನಲ್ಲಿ ಭಕ್ತಿ ಮಾಡುವದಿಲ್ಲ ಎಂದು ತಿಳಿಸುವದು. 
    
    ದೇವರಿಗೆ ಶರಣು ಹೋಗುವದೇ, ಭಕ್ತಿಪುರಸ್ಸರವಾಗಿ ಅವನನ್ನು ಕೊಂಡಾಡುವದೆ ಮಹತ್ತರ ಪ್ರಾಯಶ್ಚಿತ್ತ. ಪಶ್ಚಾತ್ತಾಪವಿಲ್ಲದ ವ್ಯಕ್ತಿ ಯಾವುದೇ ರೀತಿಯ ಪ್ರಾಯಶ್ಚಿತ್ತ ಮಾಡಿಕೊಂಡರೂ ಫಲವಿಲ್ಲ. 
    
    ಸ್ವಭಾವತಃ ದುಷ್ಟರು ತಾವು ಮಾಡಿ ಲೋಕಕಂಟಕಪಾಪಗಳಿಗೆ ಪಶ್ಚಾತ್ತಾಪವನ್ನೂ ಪಡುವದಿಲ್ಲ, ಪ್ರಾಯಶ್ಟಿತ್ತವನ್ನೂ ಮಾಡಿಕೊಳ್ಳುವದಿಲ್ಲ, ದೇವರಿಗೂ ಶರಣು ಹೋಗುವದಿಲ್ಲ ಎನ್ನುವದು ಇಲ್ಲಿನ ತಾತ್ಪರ್ಯ.