Upanyasa - VNU754

ಶ್ರೀಮದ್ ಭಾಗವತಮ್ — 191 — ದೇವರ ಅವತಾರಗಳು - 04

14/04/2019

ಬ್ರಹ್ಮದೇವರ ಮುಖದಿಂದ ಹೊರಹೊಮ್ಮಿದ ಶ್ರೀಕೃಷ್ಣಾವತಾರದ ಮತ್ತು ವೇದವ್ಯಾಸಾವಾತಾರದ ಅದ್ಭುತ ವರ್ಣನೆ. 

ಇಲ್ಲಿ ವಿವರಣೆಗೊಂಡ ಭಾಗವತ ಮತ್ತು ಭಾಗವತತಾತ್ಪರ್ಯದ ವಚನಗಳು — 


भूमेः सुरेतरवरूथविमर्दितायाः
क्लेशव्ययाय कलया सितकृष्णकेशः ।
जातः करिष्यति जनानुपलक्ष्यमार्गः
कर्माणि चाऽत्ममहिमोपनिबन्धनानि				।। २६ ।।
भागवततात्पर्यम् ।
“राम एको ह्यनन्तांशस्तत्र रामाभिधो हरिः ।
 शुक्लकेशात्मकस्तिष्ठन् रमयामास वै जगत्” इति ब्राह्मे ।
“विष्णोर्नान्येन कर्माणि परेषां तन्निबन्धनम्” इति मात्स्ये ।
तोकेन जीवहरणं यदुलूकिकाया-
स्त्रैमासिकस्य च पदा शकटोऽपवृत्तः ।
यद् रङ्गताऽन्तरगतेन दिविस्पृशोर्वा
उन्मूलनं त्वितरथाऽर्जुनयोर्न भाव्यम्				।। २७ ।।
भागवततात्पर्यम् —“सहस्रधनुषस्तूर्ध्वं द्युशब्देनापि भण्यते” इति तन्त्रमालायाम् । इतरथा विष्णुर्न चेत् । स्वमहिमनिबन्धनत्वेन न भाव्यम् ।
यद्वै व्रजे व्रजपशून् विषतोयपीतान्
गोपांस्तु जीवयदनुग्रहदृष्टिवृष्ट्या ।
तच्छुद्धयेऽतिविषवीर्यविलोलजिह्व-
मुच्चाटयिष्यदुरगं विहरद् ह्रदिन्याम्				।। २८ ।।
तत् कर्म दिव्यमिव यन्निशि निःशयानं
दावाग्निनाऽऽशु विपिने परिदह्यमाने ।
उन्नेष्यति व्रजमतोऽवसितान्तकालं
नेत्रे पिधाप्य सबलोऽनधिगम्यवीर्यः				।। २९ ।।
भागवततात्पर्यम् —दिव्यमिव स्तुत्यमिव तदपेक्षया । अन्येषां स्तुत्यमेव।
गृह्णीत यद्यदुपबद्धुममुष्य माता
शुल्बं सुतस्य नतु तत्तदमुष्य माति ।
यज्जृम्भतोऽस्य वदने भुवनानि गोपी
संवीक्ष्य शङ्कितमनाः प्रतिबोधितस्य				।। ३० ।।
भागवततात्पर्यम् —यत् तच्च दिव्यमिव ।
नन्दं च मोक्ष्यति भयाद् वरुणस्य पाशाद्
गोपान् बिलेषु पिहितान् मयसूनुना च ।
जल्प्याऽऽवृतं निशि शयानमतिश्रमेण ।
लोके विकुण्ठ उपधास्यति गोकुलं स्म			।। ३१ ।।
भागवततात्पर्यम् —
“अन्यथाज्ञानहेतुर्या वाक् सा जल्पिः प्रकीर्तिता” इति तन्त्रमालायाम् । 
“यत् तु सर्वात्मनाऽज्ञानं निशा सा परिकीर्तिता” इति कौर्मे ।
गोपैर्मखे प्रतिहते व्रजविप्लवाय
देवेऽभिवर्षति पशून् कृपया रिरक्षुः ।
धर्तोच्छिलीन्ध्रमिव सप्तदिनानि सप्त-
वर्षो महीध्रमनघैककरे सलीलम्				।। ३२ ।।
क्रीडन् वने निशि निशाकररश्मिगौर्यां
रासोन्मुखः कलपदायतमूर्च्छितेन ।
उद्दीपितस्मररुजां व्रजसद्वधूनां
हर्तुर्हरिष्यति शिरो धनदानुगस्य					।। ३३ ।।
भागवततात्पर्यम् —कलपदं च आयतं च । “सस्वस्वरसमाहारो मूर्च्छनेति प्रकीर्तिता” इति गान्धर्वे ।
ये च प्रलम्बखरदर्दुरकेश्यरिष्ट-
मल्लेभकंसयवनाः कुजपौण्ड्रकाद्याः ।
अन्येऽपि साल्वकपिविल्वलदन्तवक्र-
सप्तोक्षशम्बरविडूरथरुग्मिमुख्याः				।। ३४ ।।
ये वा मृधे समितिशालिन आत्तचापाः
काम्बोजमत्स्यकुरुसृञ्जयकैकयार्णाः ।
यास्यन्त्यदर्शनमिता बलपार्थभीम-
व्याजाह्वयेन हरिणा निलयं तदीयम्				।। ३५ ।।
भागवततात्पर्यम् ।
“विद्वेषिणोऽप्युदासीना भक्ता अपि न संशयः ।
 हरेर्हि सदनं यान्ति व्यक्तं भक्तैस्तु गम्यते ।।
आरभ्य तम आमुक्तेः कृष्णस्य सदनं यतः । 
अव्यक्तहरिलोकत्वादन्येषामन्यलोकता” इति बृहत्संहितायाम् ।
“रामभीमार्जुनादीनि विष्णोर्नामानि सर्वशः ।
 रमणाभयवर्णाद्याः शब्दवृत्तेर्हि हेतवः ।।
हरिर्हि तत्रतत्रस्थो रमणादीन् करोत्यजः । 
अतस्तस्यैव नामानि व्याजादन्यगतानि तु ।।
व्यवहारप्रवृत्त्यर्थं दुष्टानां मोहनाय च” इति स्कान्दे ।
कालेन मीलितदृशामवमृश्य नृणां
स्तोकायुषां स्वनिगमो बत दूरपारः ।
आविर्हितस्त्वनुयुगं स हि सत्यवत्यां
वेदद्रुमं विटपशो विभजिष्यति स्म				।। ३६ ।।




Play Time: 46:18

Size: 5.51 MB


Download Upanyasa Share to facebook View Comments
5737 Views

Comments

(You can only view comments here. If you want to write a comment please download the app.)
  • DESHPANDE P N,BANGALORE

    9:50 AM , 17/04/2019

    S.Namaskargalu. Krishnavatar katheagalu easttu savidaru kadimea. Short & sweet sunder neeruupanea. Anugrahvirali