Upanyasa - VNU785

ಶ್ರೀಮದ್ ಭಾಗವತಮ್ — 212 —  ವಿದುರರ ತೀರ್ಥಯಾತ್ರೆ

23/07/2019

ತೀರ್ಥಯಾತ್ರೆಯನ್ನು ಏಕೆ ಮಾಡಬೇಕು, ಹೇಗೆ ಮಾಡಬೇಕು ಎಂಬ ಪ್ರಶ್ನೆಗೆ ಉತ್ತರವನ್ನು ನೀಡುತ್ತ ವಿದುರರ ಮಾಡಿದ ಅದ್ಭುತ ತೀರ್ಥಯಾತ್ರೆಯ ವರ್ಣನೆ ಇಲ್ಲಿದೆ. 

ಶ್ರೀಮದ್ ವಿಜಯಧ್ವಜತೀರ್ಥಶ್ರೀಪಾದಂಗಳವರು ತಿಳಿಸಿದ ವ್ರತ ಎಂಬ ಶಬ್ದದ ಸಾಂಪ್ರದಾಯಿಕ ಅರ್ಥ ಇಲ್ಲಿದೆ. 

ಭರತಭೂಮಂಡಲವೇ ಕರ್ಮಭೂಮಿ ಮತ್ತೊಂದಲ್ಲ ಎನ್ನುವ ತತ್ವವನ್ನು ಭಾಗವತ ಈ ಸಂದರ್ಭದಲ್ಲಿ ಅತೀ ಪರಿಣಾಮಕಾರಿಯಾಗಿ ತಿಳಿಸುತ್ತದೆ. 

ಯದಾ-ತದಾ  ಎಂಬ ಶಬ್ದಗಳಿಗೆ ಆಚಾರ್ಯರು ತಿಳಿಸುವ ಅರ್ಥದ ವಿವರಣೆಯೊಂದಿಗೆ, ಒಂದು ಶಬ್ದಕ್ಕೆ ಆಚಾರ್ಯರು ಅರ್ಥವನ್ನು ಹೇಳಬೇಕಾದರೆ ಅವರು ಆರಿಸಿಕೊಳ್ಳುವ ಪ್ರಸಂಗವೂ ಎಷ್ಟು ಯುಕ್ತವಾಗಿರುತ್ತದೆ ಎಂಬ ತತ್ವದ ನಿರೂಪಣೆ ಇಲ್ಲಿದೆ. 

ದುರ್ಯೋಧನ ದುರ್ಜನ ಎಂದು ವಿದುರರಿಗೆ ನಿಶ್ಚಯವಿದೆ, ಅದಕ್ಕಾಗಿಯೇ ಅವನನ್ನು ಮನೆಯಿಂದ ಹೊರಗೆ ಹಾಕು ಎಂದು ಮೇಲಿಂದ ಮೇಲೆ ಧೃತರಾಷ್ಟ್ರನಿಗೆ ತಿಳಿಸುತ್ತಿರುತ್ತಾರೆ. ಧೃತರಾಷ್ಟ್ರ ಕೇಳಿರುವದಿಲ್ಲ. ಆದರೆ, ದುರ್ಯೋಧನಾದಿಗಳು ಧೂರ್ತರು ಎಂದು ನಿಶ್ಚಯವಾಗಿ ತಿಳಿದ ಬಳಿಕವೂ ವಿದುರರು ಹಸ್ತಿನಾವತಿಯಲ್ಲಿ ವಾಸ ಮಾಡಿಕೊಂಡಿದ್ದದ್ದು ತಪ್ಪಲ್ಲವೇ ಎಂಬ ಪ್ರಶ್ನೆಗೆ ಉತ್ತರ ಇಲ್ಲಿದೆ. 

Play Time: 40:56

Size: 5.51 MB


Download Upanyasa Share to facebook View Comments
6174 Views

Comments

(You can only view comments here. If you want to write a comment please download the app.)
  • prema raghavendra,coimbatore

    12:23 PM, 21/10/2019

    Ananths namaskara! Danyavada!
  • Rayabhagi Anand,Chennai

    3:00 PM , 28/07/2019

    Namaskaragalu Acharyare. Yekadasi dina nimma pravachane kelini. Tinna santosha vagitu
  • Vikram Shenoy,Doha

    1:44 PM , 27/07/2019

    ಈ ಮಹತ್ತರವಾದ ಜ್ಞಾನ ಕಾರ್ಯಕ್ಕೆ ಕೋಟಿ ನಮನಗಳು. ನಿಮ್ಮ ಈ ಪ್ರಶ್ನೋತ್ತರ ಭಾಗದಿಂದ ಅತೀ ಸಹಾಯವಾಗಿದೆ. ಮಧ್ವಂತರ್ಗತ ಭಗವಂತನ ಅಪಾರ ಕರುಣೆ ಇಲ್ಲಿದೆ.
  • Vikram Shenoy,Doha

    3:34 PM , 24/07/2019

    ಸಂಧ್ಯಾವಂದನೆ ತರಹದ ಧರ್ಮ ಆಚರಣೆ ಕೂಡ ನಿಶ್ಸಿಧ್ಚವೆ? ಹೊರದೇಶದಲ್ಲಿ ಆದರೆ ? ಈ ಜ್ಞಾನ ತಿಳಿಸಿದ್ದಕ್ಕೆ ಆಚಾರ್ಯರಿಗೆ ಅಭಿನಂದನೆಗಳು

    Vishnudasa Nagendracharya

    ಕರ್ಮಭೂಮಿಯಲ್ಲದ ಪ್ರದೇಶದಲ್ಲಿ ಸಂಧ್ಯಾವಂದನೆ ದೇವರಪೂಜೆಯಿಂದ ಪುಣ್ಯಬರುವದಿಲ್ಲ, ನಿಜ. ಆದರೆ, ಅನೇಕ ತಿಂಗಳುಗಳ ವರೆಗೆ, ವರ್ಷಗಳ ವರೆಗೆ ಅದನ್ನು ಮಾಡದೇ ಇದ್ದು ಬಿಟ್ಟರೆ, ಮುಂದೆ ಭರತಭೂಮಿಗೆ ಬಂದಾಗಲೂ ಅದನ್ನು ಮಾಡುವ ಅಭ್ಯಾಸ ತಪ್ಪಿ ಹೋಗಿರುತ್ತದೆ. 
    
    ಹೀಗಾಗಿ ಅಭ್ಯಾಸ ತಪ್ಪಬಾರದು ಎನ್ನುವ ಕಾರಣಕ್ಕೆ ಅಲ್ಲಿಯೂ ಸಂಧ್ಯಾ-ಪೂಜೆಗಳನ್ನು ಮಾಡಬೇಕು ಎನ್ನುವದು ನನ್ನ ಅಭಿಪ್ರಾಯ. ಆದರೆ, ಶಾಸ್ತ್ರಗಳ ನಿರ್ಣಯದ ಪ್ರಕಾರ ಸರ್ವಥಾ ಪುಣ್ಯ ದೊರೆಯುವದಿಲ್ಲ. 
  • Vikram Shenoy,Doha

    3:20 PM , 24/07/2019

    ಆಚಾರ್ಯರಿಗೆ ಒಂದು ಪ್ರಶ್ನೆ: ಏಕಾದಶಿ ವೃತವನ್ನು ಭರತವರ್ಷದ ಹೊರಗಡೆ ಆಚರಿಸುವುದು ತಪ್ಪೇ ?? ನಿಮ್ಮ ಈ ಭಗವದ್ ಪಾಠದಲ್ಲಿ ಕೆಲವು ವಿಶೇಷ ಜ್ಞಾನವನ್ನು ತಿಳಿಸಿದ್ದಕ್ಕೆ ಅಭಿನಂದನೆಗಳು.

    Vishnudasa Nagendracharya

    ಆ ಪ್ರದೇಶಕ್ಕೆ ಅನುಗುಣವಾಗಿ  ಏಕಾದಶಿಯನ್ನು ಸರಿಯಾಗಿ ತಿಳಿದುಕೊಂಡು ಮಾಡಬೇಕು. ಏಕಾದಶಿಯನ್ನು ಬಿಡತಕ್ಕದ್ದಲ್ಲ. 
    
    ಕರ್ಮಭೂಮಿಯಲ್ಲದ ಪ್ರದೇಶದಲ್ಲಿ ಉಪವಾಸ ಮಾಡುವದರಿಂದ ಪರಿಪೂರ್ಣ ಪುಣ್ಯ ದೊರೆಯದೇ ಇದ್ದರೂ ಮಾಡದೇ ಇದ್ದಲ್ಲಿ ಮಹತ್ತರ ಪಾಪ ಬರುತ್ತದೆ. ಆ ಪಾಪ ಬಾರದೇ ಇರುವದಕ್ಕಾಗಿ ಅವಶ್ಯವಾಗಿ ಉಪವಾಸ ಮಾಡಲೇಬೇಕು. 
    
    
  • DESHPANDE P N,BANGALORE

    1:48 PM , 26/07/2019

    S.Namaskargalu Sushrwyydinda kuudida pravachan anandwannu koduttadea