Prashnottara - VNP019

ಚಾತುರ್ಮಾಸ್ಯ ವ್ರತಾಚರಣೆ ಕಡ್ಡಾಯವೇ?


					  	
ಚಾತುರ್ಮಾಸ್ಯ ವ್ರತಾಚರಣೆ ಕಡ್ಡಾಯವೇ? 

— ಶೋಭಾ ಸುಧೀಂದ್ರ, ಬೆಂಗಳೂರು. 

ಯಾವ ಕರ್ಮ ಕಡ್ಡಾಯ, ಯಾವ ಕರ್ಮಕಡ್ಡಾಯವಲ್ಲ ಎನ್ನುವದನ್ನು ನಿರ್ಣಯಿಸಲು ಧರ್ಮಶಾಸ್ತ್ರದಲ್ಲಿ ಒಂದು ಮಾನದಂಡವಿದೆ. ಯಾವ ಕರ್ಮಗಳನ್ನು ಕೇವಲ ಒಂದು ಅಪೇಕ್ಷೆಯನ್ನು ಪರಿಪೂರ್ಣ ಮಾಡಿಕೊಳ್ಳಲು ಶಾಸ್ತ್ರ ವಿಧಿಸುತ್ತದೆಯೋ ಆ ಕರ್ಮವನ್ನು ಆ ಅಪೇಕ್ಷೆ ಇದ್ದಾಗ ಮಾಡಬಹುದು, ಇಲ್ಲದಿದ್ದಲ್ಲಿ ಬಿಡಬಹುದು. ಬಿಡುವದರಿಂದ ದೋಷವಿಲ್ಲ. 

ಉದಾಹರಣೆಗೆ ರಥಸಪ್ತಮಿಯಂದು ಉಪವಾಸ. ಆರೋಗ್ಯದ ಅಪೇಕ್ಷೆ ಇರುವವರು ಆ ದಿವಸ ಉಪವಾಸವನ್ನು ಮಾಡಬೇಕು ಎಂದು ಶಾಸ್ತ್ರ ವಿಧಿಸುತ್ತದೆ. ನಮಗೆ ಆ ಸಕಾಮಕರ್ಮವನ್ನು ಮಾಡುವ ಅಪೇಕ್ಷೆ ಇಲ್ಲದೇ ಇದ್ದಲ್ಲಿ, ಆ ದಿವಸ ಉಪವಾಸ ಮಾಡದಿದ್ದರೆ ದೋಷವಿಲ್ಲ. 

ಯಾವ ಕರ್ಮವನ್ನು ಮಾಡದೇ ಇದ್ದಲ್ಲಿ ಶಾಸ್ತ್ರ ದೋಷವನ್ನು ಹೇಳುತ್ತದೆಯೋ ಆ ಕರ್ಮ ನಿತ್ಯಕರ್ಮ. ಅದನ್ನು ಕಡ್ಡಾಯವಾಗಿ ಮಾಡಲೇಬೇಕು. ಉದಾಹರಣೆಗೆ ಸಂಧ್ಯಾವಂದನೆ. ಸಂಧ್ಯಾವಂದನೆ ಮಾಡದೇ ಇದ್ದಲ್ಲಿ ಬ್ರಾಹ್ಮಣ್ಯವೇ ಹೋಗುತ್ತದೆ. ಹೀಗಾಗಿ ಸಂಧ್ಯಾವಂದನೆ ನಿತ್ಯ ಕರ್ಮ. ಮಾಡಲೇಬೇಕು. ತಪ್ಪಿಸುವಂತಿಲ್ಲ. 

ಹಾಗೆ, ಚಾತುರ್ಮಾಸ್ಯವನ್ನು ಮಾಡದೇ ಇದ್ದಲ್ಲಿ ಮಹಾ ಪ್ರತ್ಯವಾಯವನ್ನು ಹೇಳಿದ್ದಾರೆ, ಯಾವಯಾವ ಮಾಸಗಳಲ್ಲಿ ಯಾವಯಾವ ಪದಾರ್ಥಗಳು ನಿಷಿದ್ಧವೋ ಅವನ್ನು ತಿಂದರೆ ಏನು ದೋಷ ಎನ್ನುವದನ್ನೂ ಹೇಳಿದ್ದಾರೆ. ಶ್ರೀಮದ್ ವಾದಿರಾಜಗುರುಸಾರ್ವಭೌಮರೂ ಸಹ ತಮ್ಮ  ಕೃತಿಗಳಲ್ಲಿ ಅದನ್ನು ತಿಳಿಸಿದ್ದಾರೆ. ಹೀಗಾಗಿ, ಚಾತುರ್ಮಾಸ್ಯ ಅವಶ್ಯ ಕರ್ತವ್ಯವಾದ ಕರ್ಮವಾಯಿತು. 

ನಾವು ಸಂಸಾರವನ್ನು ಗೆಲ್ಲಲು ನಮಗೆ ಬೇಕಾದ ಮಹಾ ಅಸ್ತ್ರ, ಅಭಿಮಾನ ತ್ಯಾಗ, ಅರ್ಥಾತ್ ವೈರಾಗ್ಯ. ಆ ವೈರಾಗ್ಯವನ್ನು ಕರುಣಿಸುವ ಮಹಾವ್ರತ ಚಾತುರ್ಮಾಸ್ಯ ವ್ರತ. ಹೀಗಾಗಿ ತಪ್ಪಿಸಲೇ ಬಾರದು. 

ಏಕಾದಶೀ ವ್ರತ ಜ್ಞಾನವನ್ನು ಕರುಣಿಸಿದರೆ, ಕೃಷ್ಣಾಷ್ಟಮೀ ಭಕ್ತಿಯನ್ನು ಅನುಗ್ರಹಿಸುತ್ತದೆ. ಚಾತುರ್ಮಾಸ್ಯ ವೈರಾಗ್ಯವನ್ನು. ಹೀಗಾಗಿ ಈ ಮೂರು ಮಹಾವ್ರತಗಳನ್ನು ಸಾಧಕರು ಎಂದಿಗೂ ಬಿಡಬಾರದು. 

ಮೂರು ಮಹಾವ್ರತಗಳು [VNA093] ಎಂಬ ಲೇಖನದಲ್ಲಿ ಈ ಕುರಿತು ಮತ್ತಷ್ಟು ವಿಷಯಗಳನ್ನು ತಿಳಿಸಿದ್ದೇನೆ. 

— ವಿಷ್ಣುದಾಸ ನಾಗೇಂದ್ರಾಚಾರ್ಯ

Share to facebook View Comments
4546 Views

Comments

(You can only view comments here. If you want to write a comment please download the app.)

  • BADARINATH .YV.,MYSORE

    5:03 PM , 26/07/2020 

    Pl

  • Ritthy G Vasudevachar,Bengaluru

    7:46 PM , 29/07/2018 

    ನಮೋನಮಃ ಆಚಾರ್ಯ, ಹಾಗೇನೆ ದಯವಿಟ್ಟು ನಿದ್ರೆ control ಮಾಡೊ ವಿಧಾನ ತಿಳಿಸಿಕೊಡಿ

  • Narayanaswamy,chamarajanagara

    9:45 PM , 03/07/2017 

    Poojya acharyarige 
Vishwanandhini mulaka samasta janathege jnana niduva nimma lekhana upanyasagalige koti koti vandanegalu

    Vishnudasa Nagendracharya

    ಗುರುಗಳ ಅನುಗ್ರಹ ಮತ್ತು ಎಲ್ಲ ಸಜ್ಜನರ ಸಹಕಾರದಿಂದ ಈ ಜ್ಞಾನಕಾರ್ಯ ನಿರಂತರವಾಗಿ ಸಾಗುತ್ತಿದೆ.

  • Manjunath YADAWADE(BHAT),Raybag

    11:11 PM, 29/06/2017 

    ಅದ್ವೈತರಿಗೂ ಕಡ್ಡಾಯವೇ

    Vishnudasa Nagendracharya

    ಸಾಧನೆ ಪ್ರತಿಯೊಬ್ಬರಿಗೂ ಕರ್ತವ್ಯ. ಚಾತುರ್ಮಾಸ್ಯ, ಏಕಾದಶಿ ಮಂತಾದ ಕೆಲವು ಪ್ರಪಂಚದ ಪ್ರತಿಯೊಬ್ಬ ವ್ಯಕ್ತಿಯ ಕರ್ತವ್ಯ.

ಆದರೆ ಅದ್ವೈತಿಗಳಾಗಲೀ, ಬೇರೆ ಯಾರೇ ಆಗಲಿ ತಾವಾಗಿ ಒಪ್ಪಿ ಮಾಡಿದಲ್ಲಿ ಸಂತೋಷ. ನಾವೇ ಹೋಗಿ ಯಾರ ಮೇಲೂ ನಮ್ಮ ಧರ್ಮವನ್ನು ಹೇರಬಾರದು. 

ಅದ್ವೈತರಿಗೂ ಎನ್ನುವ ಶಬ್ದ ತಪ್ಪು. ಅದ್ವೈತಿಗಳಿಗೆ ಎಂದು ಬಳಸಬೇಕು.

  • Manjunath,Bangalore

    3:23 PM , 28/06/2017 

    Taptamudhradharaneya bagge visrhrutha lekhana needabekendu manavi madikoluthene

  • savitha kiran rao,

    3:56 PM , 24/04/2017 

    First of all thank you very much for realising this section of Q&A.  I remember puuting this as a request you for layman like us. It is very useful. Thank you so much Acharyare.