Prashnottara - VNP060

ತುಳಸಿ ಮಣಿ ಮಾಲೆಯನ್ನು ಯಾವಾಗ ಧರಿಸಬೇಕು ಮತ್ತು ಯಾವಾಗ ಧರಿಸಬಾರದು?


					  	
ತುಳಸಿ ಮಣಿ ಮಾಲೆಯನ್ನು ಯಾವಾಗ ಧರಿಸಬೇಕು ಮತ್ತು ಯಾವಾಗ ಧರಿಸಬಾರದು? 

— ಕೃಷ್ಣಾಚಾರ್ಯ

ತುಳಸೀಮಣಿಯ ಮಾಲೆಯನ್ನು ಇಂತಹ ಸಂದರ್ಭದಲ್ಲಿ ಧರಿಸಬಾರದು ಎಂದು ಎಂದಿಗೂ ನಿಷೇಧವಿಲ್ಲ. ಸಕಲ ಸಂದರ್ಭಗಳಲ್ಲಿಯೂ ಅದನ್ನು ಧರಿಸಿರಬೇಕು. ಮಲ ಮೂತ್ರ ವಿಸರ್ಜನೆಯ ಕಾಲದಲ್ಲಾಗಲೀ, ಜಾತಾಶೌಚ ಮೃತಾಶೌಚಗಳಲ್ಲಾಗಲೀ ಅದಕ್ಕೆ ಮೈಲಿಗೆಯಾಗುವದಿಲ್ಲ. ತುಳಸೀಮಣಿ ಸದಾಕಾಲದಲ್ಲಿಯೂ ಪವಿತ್ರ. 

ಮಲಮೂತ್ರವಿಸರ್ಜನೆಯ ಕಾಲದಲ್ಲಿ ತುಳಸಿಮಣಿಯನ್ನು ಬಲಗಿವಿಗೆ ಹಾಕಿಕೊಳ್ಳುವ ಆವಶ್ಯಕತೆಯಿಲ್ಲ. ಹಾಕಿಕೊಂಡರೆ ತಪ್ಪಿಲ್ಲ. ತೆಗೆದಿಟ್ಟು ಹೋದರೂ ತಪ್ಪಿಲ್ಲ. 

— ವಿಷ್ಣುದಾಸ ನಾಗೇಂದ್ರಾಚಾರ್ಯ

Share to facebook View Comments
5529 Views

Comments

(You can only view comments here. If you want to write a comment please download the app.)

  • Nuthan,UDUPI

    4:18 PM , 06/11/2020 

    Acharyare 🙏 tulasi maale yalla varnadavaru  dharisabahuda? Dayamadi thilisi gurugale🙏🙏🙏

    Vishnudasa Nagendracharya

    ಅವಶ್ಯವಾಗಿ

  • Nagappa Mukund Prabhu,Ankola

    12:32 PM, 08/04/2020 

    ಆಚಾರ್ಯ ರೇ ನಮಸ್ಕಾರ.   ದೇವರ ಪೂಜೆಗೆ  ನಾವು ಹೂ ಮತ್ತು  ತುಳಸಿಯನ್ನು   ನೇರವಾಗಿ ಗಿಡಗಳಿಂದ ತೆಗೆಯುವಾಗ ಮುಂಜಾನೆ   ಸ್ನಾನದ ನಂತರ  ತೆಗೆಯಬೇಕಾ ಅಥವಾ  ಸ್ನಾನದ ಮೊದಲೆ ತೆಗೆದು ಇಟ್ಟುಕೊಳ್ಳಬಹುದಾ ??

    Vishnudasa Nagendracharya

    ತುಳಸಿಯನ್ನು ಸ್ನಾನ ಮಾಡದೇ ತೆಗೆಯುವಂತೆಯೇ ಇಲ್ಲ. ಸ್ನಾನ ಮಾಡಿಯೇ ತೆಗೆಯಬೇಕು. 

ಹೂಗಳನ್ನು ಸ್ನಾನ ಮಾಡದೆಯೂ ತರಬಹುದು. ಆದರೆ, ಹಾಸಿಗೆಯಿಂದೆದ್ದು ಬಂದು ತೆಗೆಯುವದು ಅಷ್ಟು ಸೂಕ್ತವಲ್ಲ. ಹೀಗಾಗಿ ಸ್ನಾನ ಮಾಡಿಯೇ ತರುವದು ಶ್ರೇಷ್ಠ.

  • Indira,Canberra

    10:56 AM, 19/08/2018 

    You have to live 100 years with good health so that thousands of people will get gnyna Bhakthi and vairagya by listing your pravachan. God bless you.

  • suraj sudheendra,bengaluru

    7:41 AM , 22/05/2017 

    gurugale tulasi maniyannu kharidisabekaadare gamanisa bekaada amsha galenu? yestu manigalirabeku, originality etc.., adara lakshnagala bagge yelliyaadaru pramanavideya yendu dayamadi tilisuvira?

    Vishnudasa Nagendracharya

    ಬೂರುಗದ ಮರದ ಕಡ್ಡಿಗಳಲ್ಲಿ ಮಣಿಗಳನ್ನು ಮಾಡಿ ತುಳಸಿ ಮಣಿ ಎಂದು ಮಾರುತ್ತಾರೆ. ಎಚ್ಚರವಿರಲಿ. 

ತುಳಸೀಗಿಡಗಳನ್ನು ಚನ್ನಾಗಿ ಬೆಳೆಸಿ ನಾವೇ ಅದರಿಂದ ಮಾಡುವದು ಉತ್ತಮ ಪಕ್ಷ. 

ಶ್ರೀ ಕುಂದಾಪುರ ವ್ಯಾಸರಾಜಮಠದ ಅಧಿಪತಿಗಳಾಗಿದ್ದ ಶ್ರೀ ಲಕ್ಷ್ಮೀಶತೀರ್ಥಶ್ರೀಪಾದಂಗಳವರು ಒಂದು ಮಾತು ಹೇಳುತ್ತಿದ್ದರಂತೆ - ಬ್ರಾಹ್ಮಣನಾದವನಿಗೆ ತಿಳಿದರಲೇ ಬೇಕಾದ ಎರಡು ವಿದ್ಯೆ - ತುಳಸೀ ಮಣಿ ಮಾಡುವದು ಮತ್ತು ಜನಿವಾರ ಮಾಡುವದು ಎಂದು. ಹೀಗಾಗಿ ಪ್ರಯತ್ನ ಪಟ್ಟು ನಾವೇ ಮಾಡುವದು ಒಳಿತು. ಅಥವಾ ಯಾರಾದರೂ ಆ ರೀತಿ ಮಾಡುವವರಿದ್ದರೆ ಅವರಿಂದ ಮಾಡಿಸುವದೊಳಿತು. 

ತುಳಸಿಮಣಿಯನ್ನು ಮಾಡಿಸಿ, ದೇವರಿಗೆ ಸಮರ್ಪಿಸಿ ಆ ನಂತರ ಧರಿಸಬೇಕು.

  • H V SREEDHARA,

    7:26 AM , 22/05/2017 

    ಆಚಾರ್ಯರಿಗೆ ನಮಸ್ಕಾರಗಳು. ತುಂಬಾ ಸಹಾಯವಾಯಿತು.

  • Manjunath,

    4:29 PM , 22/05/2017 

    ಶುದ್ಧ  ತುಳಸಿಮಣಿ ಎಲ್ಲಿ ದೊರೆಯುತ್ತದೆ ಎಂಬ ಮಾಹಿತಿ ನಿಮಗೇನಾದರು ತಿಳಿದಿದ್ದರೆ ತಿಳಿಸಿಕೊಡಿ ಅನುಕೂಲವಾಗುತ್ತದೆ

ಮತ್ತು ಸ್ತ್ರೀಯರು ತುಳಸಿ ಮಾಲೆಯನ್ನು ಧರಿಸುವ ಕ್ರಮ ನಮ್ಮ ಶಾಸ್ತ್ರದಲ್ಲಿದೆಯೇ

    Vishnudasa Nagendracharya

    ಮುತ್ತೈದೆಯರು ಧರಿಸುವ ಪದ್ಧತಿಯಿಲ್ಲ. ವಿಧವೆಯರು ಧರಿಸುತ್ತಾರೆ.

  • ಪ್ರಮೋದ,ಬೆಂಗಳೂರು

    11:19 AM, 22/05/2017 

    ತುಳಸಿಮಣಿಯನ್ನು ಹೇಗೆ ಮಾಡುವುದು? 
ದಯಮಾಡಿ ತಿಳಿಸಿ 🙏🙏🙏

    Vishnudasa Nagendracharya

    ನೃತ್ಯವನ್ನು ಬರವಣಿಗೆಯಲ್ಲಿ ಕಲಿಸಿ ಎಂದಂತಾಯಿತು. 

ಪ್ರಕ್ರಿಯೆಯನ್ನು ವಿವರಿಸುತ್ತೇನೆ. 

ದಪ್ಪಗಾತ್ರದ ತುಳಸೀಕಾಷ್ಟವನ್ನು ಸಂಗ್ರಹಿಸಬೇಕು. ಕಾಂಡದ ಭಾಗ ಅತ್ಯುತ್ತಮ. ಚನ್ನಾಗಿ ಬೆಳೆದಿದ್ದರೆ ಕೊಂಬೆಗಳ ಭಾಗವೂ ಚನ್ನಾಗಿರುತ್ತದೆ. 

ಎಷ್ಟು ಗಾತ್ರದ ಮಣಿ ಬೇಕೋ ಅದಕ್ಕಿಂತ ದೊಡ್ಡದಾಗಿ ಕತ್ತರಿಸಿಕೊಳ್ಳಬೇಕು. 

ಆ ನಂತರ ಅಕ್ಕಸಾಲಿಗರ ಬಳಿಯಲ್ಲಿ ಇರುವ ಸಾಣೆಯ ಮಶೀನ್ ತಂದುಕೊಳ್ಳಬೇಕು. (ಬೆಂಗಳೂರಿನ ಎಸ್ಪಿ ರೋಡಿನಲ್ಲಿ ದೊರೆಯುತ್ತವೆ) 

ಆ ಸಾಣೆಯ ಕಲ್ಲು ತಿರುಗುವಾಗ ಇಕ್ಕಳದಂತಹ ಒಂದು ವಸ್ತುವಿನಿಂದ ಅ ಕಾಷ್ಟದ ತುಂಡನ್ನು ಅದಕ್ಕೆ ಒತ್ತಿ ಹಿಡಿದು ಮಣಿಯ ಆಕಾರಕ್ಕೆ ತಿರುಗಿಸಬೇಕು. (ಇದನ್ನು ನೋಡಿಯೇ ಕಲಿಯಬೇಕು) 

ಆ ಬಳಿಕ ಮಧ್ಯದಲ್ಲಿ ಜೋಪಾನವಾಗಿ ರಂಧ್ರ ಮಾಡಬೇಕು. 

ಆ ನಂತರ ಕೊಬ್ಬರಿ ಎಣ್ಣೆ ಅರಿಶಿನದಲ್ಲಿ ಒಂದು ದಿನ ನೆನೆಸಿಟ್ಟರೆ ಅದು ಬಿರುಕು ಬಿಡುವದಿಲ್ಲ. 

ಆ ನಂತರ ತಂತಿಗೆ ಸುತ್ತಬೇಕು. 

ಸರವಾದ ಬಳಿಕ ದೇವರಿಗೆ ಸಮರ್ಪಿಸಿ ಧರಿಸಬೇಕು.

  • Manjula anand,Banglore

    11:00 PM, 25/05/2017 

    ತುಳಸಿ ಮಣಿ ಧರಿಸುವ ಮಹತ್ವ