ಗೋಪ್ರಸವ ನಮಸ್ಕಾರ
ಗೋವು ಕರುವನ್ನು ಹಾಕುವ ಸಂದರ್ಭದಲ್ಲಿ ಅದಕ್ಕೆ ತೊಂದರೆಯಾಗದಂತೆ ಪ್ರದಕ್ಷಿಣೆ ಬಂದು ನಮಸ್ಕಾರ ಹಾಕಿದಲ್ಲಿ ಸಮಗ್ರ ಭೂಮಂಡಲ ಪ್ರದಕ್ಷಿಣೆ ಮಾಡಿ ಸಕಲ ದೇವತೆಗಳಿಗೆ ಜಗದೊಡೆಯ ಶ್ರೀ ಗೋಪಾಲಕೃಷ್ಣದೇವರಿಗೆ ನಮಸ್ಕಾರ ಮಾಡಿದ ಮಹಾಪುಣ್ಯ. ಇಂದು (ಶಾರ್ವರೀ, ಪುಷ್ಯ ಕೃಷ್ಣಾಷ್ಟಮಿ) ಶ್ರೀ ಗೋಪಾಲದಾಸಾರ್ಯರ ಆರಾಧನೆಯ ಪರ್ವಸಮಯದಲ್ಲಿ ನಮ್ಮ ಮನೆಯ ಭಾಗ್ಯದೇವತೆ ಗೌರಿ ಗಂಡು ಕರುವಿಗೆ ಜನ್ಮ ನೀಡಿದೆ. ಕಂಡು, ಮನಸ್ಸಿನಲ್ಲಿಯೇ ಪ್ರದಕ್ಷಿಣೆ ಬಂದು, ಗೋವಿನ ಶರೀರದಲ್ಲಿರುವ ಸಮಸ್ತ ದೇವತೆಗಳಿಗೆ, ಶ್ರೀ ಗೋಪಾಲಕೃಷ್ಣದೇವರಿಗೆ ನಮಸ್ಕಾರಗಳನ್ನು ಸಲ್ಲಿಸಿ. ಕರುವಿನ ಭಾಗಣ್ಣ ಎಂದು ಹೆಸರಿಟ್ಟಿದ್ದೇವೆ.