Upanyasa - VNU005

02/02 ಪರಶುರಾಮವೈಭವ

ರೇಣುಕಾ ಜಮದಗ್ನಿಯರ ದಾಂಪತ್ಯ, ರೇಣುಕೆಯ ಶಿರಶ್ಛೈದದ ಹಿಂದಿರುವ ಕಾರಣಗಳು, ನಾವು ತಿಳಿಯಬೇಕಾದ ಮಹತ್ತ್ವದ ವಿಷಯಗಳು, ಕಾರ್ತವೀರ್ಯಾರ್ಜುನನ ಅಪರಾಧ, ಪರಶುರಾಮ ಅವನನ್ನು ಸಂಹಾರ ಮಾಡಿದ ಬಗೆ, ಜಮದಗ್ನಿಯ ವಧೆ, ಕ್ಷತ್ರಿಯವಂಶಗಳ ವಿನಾಶ, ಪರಶುರಾಮದೇವರ ಯುದ್ಧವೈಭವ ಹಾಗೂ ಯಜ್ಞವೈಭವ, ಪರಶುರಾಮದೇವರ ಅನುಗ್ರಹವನ್ನು ಪಡೆಯಬೇಕಾದರೆ ನಮ್ಮಲ್ಲಿರಬೇಕಾದ ಸದ್ಗುಣ ಯಾವುದು ಎಂದು ಶ್ರೀಮದಾಚಾರ್ಯರು ತಿಳಿಸಿರುವ ತತ್ವ ಮುಂತಾದ ವಿಷಯಗಳನ್ನು  ವಿವರಿಸಿ ಈ ಉಪನ್ಯಾಸವನ್ನು ಗುರ್ವಂತರ್ಯಾಮಿಗೆ ಸಮರ್ಪಿಸಲಾಗಿದೆ. 

Play Time: 45 Mins 34 Seconds

Size: 8.11 MB


Download Upanyasa Share to facebook View Comments
8940 Views

Comments

(You can only view comments here. If you want to write a comment please download the app.)
  • Shamantha,Udupi

    12:58 PM, 11/07/2020

    ಇನ್ನು ಎರಡು ಪ್ರಶ್ನೆಗಳಿದ್ದವು ಆಚಾರ್ಯರೇ 🙏
    
    ೧. ಪರಶುರಾಮ ದೇವರು ಕೊಲ್ಲದೆ ಬಿಟ್ಟಿದ್ದ ಸಾಲ್ವ ರಾಜನನ್ನು ಕೃಷ್ಣನು ಕೊಂದನೆಂದು ಹೇಳಿದ್ದೀರಿ , ಹಾಗಾದರೆ ಆತನ ಆಯುಷ್ಯವು 8 ಲಕ್ಷ ವರ್ಷಗಳಿಗಿಂತಲೂ ಜಾಸ್ತಿ ಎಂದು ಆಯ್ತು. ಅಷ್ಟು ದೀರ್ಘಾಯುಷ್ಯ ಪಡೆಯಲು ಆತನು ಅರ್ಹನಿದ್ದನೇ?
    
    ೨.ಉಡುಪಿಯ ಅನಂತೇಶ್ವರ(ಅನಂತಾಸನ) ಹಾಗೂ ಪರಶುರಾಮರ ಸಂಬಂಧವನ್ನು ದಯವಿಟ್ಟು ತಿಳಿಸಿ.

    Vishnudasa Nagendracharya

    ಹೌದು, ಕೆಲವು ರಾಕ್ಷಸರು ತಪಸ್ಸು ಮಾಡಿ ದೀರ್ಘಾಯುಷ್ಯ ಪಡೆಯುತ್ತಾರೆ. 
    
    ಉದಾಹರಣೆಗೆ ನಿವಾತಕವಚರು. ಇವರು. ಕೃತಯುಗದಲ್ಲಿ ಹುಟ್ಟಿ ಬಂದು ತ್ರೇತೆಯಲ್ಲಿ ರಾವಣನ ಜೊತೆ ಸೋತು ನಂತರ ಅವನ ಸಖ್ಯವನ್ನು ಪಡೆದು, ದ್ವಾಪರದಲ್ಲಿ ಅರ್ಜುನರಿಂದ ಹತರಾಗುತ್ತಾರೆ. 
    
    ಹಿರಣ್ಯಕಶಿಪು ತಪಸ್ಸಿನ ನಂತರದ ಕಾಲ ಅತಿ ಕಡಿಮೆಯಾದದ್ದನ್ನು ಕಂಡು, ರಾವಣನಾದಾಗ ಅತಿ ದೀರ್ಘವಾದ ಆಯುಷ್ಯವನ್ನು ಪಡೆಯುತ್ತಾನೆ. 
    
    ಶ್ರೀಮಧ್ವವಿಜಯದ ಎರಡನೆಯ ಸರ್ಗದ ಉಪನ್ಯಾಸದಲ್ಲಿ ಶ್ರೀ ಪರಶುರಾಮದೇವರು ಮತ್ತು ಅನಂತಾಸನದ ಕುರಿತು ತಿಳಿಸಲಾಗಿದೆ. 
  • Shamantha,Udupi

    11:25 AM, 11/07/2020

    ಆಚಾರ್ಯರಿಗೆ ಪ್ರಣಾಮಗಳು 🙏
    
    ಪರಶುರಾಮ ದೇವರು 24ನೇ ತ್ರೇತಾಯುಗದಲ್ಲಿ ಹುಟ್ಟಿ ಬಂದವರು ಹಾಗೂ ಕೃಷ್ಣಾವತಾರ 28ನೇ ದ್ವಾಪರಯುಗದಲ್ಲಿ ಆದದ್ದು ಎಂದು ಕೇಳಿದ್ದೇನೆ, ಇದು ಸರಿಯೇ?

    Vishnudasa Nagendracharya

    ಕೂರ್ಮಾವತಾರದಿಂದ ಆರಂಭಿಸಿ ಕಲ್ಕಿ ಅವತಾರದವರೆಗೆ ಎಲ್ಲ ಒಂಭತ್ತೂ ಅವತಾರಗಳೂ ಸಹ ಇಪತ್ತೆಂಟನೆಯ ವೈವಸ್ವತ ಮನ್ವಂತರದಲ್ಲಿಯೇ ಆದದ್ದು.  
    
    “ಬನ್ನಂಜೆ ವಿಮರ್ಶ” ಎಂಬ ಫೋಲ್ಡರಿನಲ್ಲಿ ರಾಮಾಯಣದ ಕಾಲನಿರ್ಣಯ ಎಂಬ ಉಪನ್ಯಾಸ ಮತ್ತು ಲೇಖನಗಳಿವೆ. ಪ್ರಮಾಣಗಳೊಂದಿಗೆ ವಿವರಿಸಿದ್ದೇನೆ, ನೋಡಿ. 
  • Narayanaswamy,Mysore

    1:54 PM , 25/04/2020

    ಗುರುಗಳಿಗೆ ನಮಸ್ಕಾರಗಳು 
    
    1 ಗುರುಗಳೇ ಭಗವಂತ ರಾಮಚಂದ್ರ ನ ತರ ಧನುರ್ಧಾರಿಯಾಗಿ ಯುದ್ಧ ಮಾಡದೇ ಯಾಕೆ ಕೊಡಲಿಯನ್ನು ಹಿಡಿದ ಏನಾದರೂ ವಿಶೇಷ ಕಾರಣಗಳಿವಿಯೇ?
    
    2 ಜಮದಗ್ನಿ ಋಷಿಗಳು ರಾಮ ಅಂತ ಹೆಸರು ಇಟ್ಟಿದ್ದು ಪರಶುರಾಮ ಅಂತ ಯಾವಾಗಿನಿಂದ ಬಂತು ದಯವಿಟ್ಟು ತಿಳಿಸಿ 🙏🙏🙏🙏🙏🙏

    Vishnudasa Nagendracharya

    1.  ಎಲ್ಲ ರೂಪಗಳು ಒಂದೇ ರೀತಿಯಲ್ಲಿರಬೇಕು ಎಂಬ ನಿಯಮವಿಲ್ಲ. ರಾಮ ಧನುಷ್ಯ ಹಿಡಿದರೆ ಶ್ರೀಕೃಷ್ಣ ಚಕ್ರಧಾರಿಯಾದ. ಕಲ್ಕಿರೂಪದಲ್ಲಿ ಕತ್ತಿಯನ್ನು. ನರಸಿಂಹ ಸರ್ವಾಯುಧಗಳನ್ನೂ ಹಿಡಿದ. ತನ್ನ ಉಗುರುಗಳಿಂದಲೇ ರಿಪುವನ್ನು ಕೊಂದ. 
    
    ಎಲ್ಲ ರೂಪಗಳೂ ಒಂದೇ ರೀತಿ ಎಂದರೆ ಅನೇಕ ರೂಪಗಳು ಏಕೆ ಬೇಕು. 
    
    ಇನ್ನು ಪರಶುರಾಮದೇವರು ಕೊಡಲಿಯನ್ನೇ ಏಕೆ ಹಿಡಿದರು ಎಂಬ ಪ್ರಶ್ನೆ. ಉಪನ್ಯಾಸದಲ್ಲಿ ಈಗಾಗಲೇ ಉತ್ತರಿಸಿದ್ದೇನೆ. ಬ್ರಾಹ್ಮಣರ ಮನೆಯಲ್ಲಿ ಕಟ್ಟಿಗೆಯನ್ನು ಕಡಿಯಲು ಕೊಡಲಿ ಇತ್ತು. ಸಿಟ್ಟಿಗೆ ಬಂದ ರಾಮದೇವರು ತನ್ನ ಶತ್ರುಗಳನ್ನು ಕೊಲ್ಲಲು ಆ ಪರಶುವನ್ನೇ ತೆಗೆದುಕೊಂಡು ನಡೆದರು. 
    
    ಮತ್ತೂ, ಪರಶುರಾಮದೇವರು ಧನುಷ್ಯವನ್ನು ಹಿಡಿಯಲಿಲ್ಲ ಎಂದೇನಿಲ್ಲ. ಉಪನ್ಯಾಸದಲ್ಲಿ ವಿವರಿಸಿದ್ದೇನೆ. ಧನುಷ್ಯವನ್ನೂ ಅವರು ಬಳಸಿದರು. ರಾಮ ಪರಶುರಾಮ ಪ್ರಸಂಗದಲ್ಲಿ ಧನುಷ್ಯವನ್ನು ಹಿಡಿದೇ ಪರಶುರಾಮದೇವರು ಬರುತ್ತಾರೆ. 
    
    2. ಪರಶು ಹಿಡಿದ ದಿವಸದಿಂದ ಪರಶುರಾಮರಾದರು. 
  • Vijaykumarmanvi,Hosapete

    5:18 PM , 11/04/2020

    ಶ್ರೀ ಗುರುಭೋನಮಂ
  • Deshmukh seshagiri rao,Banglore

    7:01 PM , 18/04/2018

    ಶ್ರೀ ಗುರುಗಳಿಗೆ ನನ್ನ ಅನಂತ ಅನಂತ ವಂದನೆಗಳು
  • K S Gayathri,Bengaluru

    3:53 PM , 18/04/2018

    Super Pravachana Sir. Dhanyavadagalu
  • Padma Rajagopal,Mysuru

    11:49 AM, 18/04/2018

    PArashura charithre
  • Ashok Prabhanjana,Bangalore

    7:23 PM , 28/04/2017

    ಗುರುಗಳೇ, ಕಾರ್ತಿವೀರ್ಯರ್ಜುನನು ಸ್ವರೂಪತಹ ಮುಕ್ತಿ ಯೋಗ್ಯ ಜೀವನೆ? ಅದು ಸತ್ಯ ಎಂದಾದರೆ ಅವನೇಕೆ ಅಂಥಹ  ಘ್ಹೊರ ಪಾಪಗಳನ್ನು ಮಾಡಿದ? ದಯವಿಟ್ಟು ತಿಳಿಸಿ ಗುರುಗಳೇ

    Vishnudasa Nagendracharya

    ಕಾರ್ತವೀರ್ಯಾರ್ಜುನ ಮಹಾರಾಜರು ಮಹಾವಿಷ್ಣುಭಕ್ತರು. ಗಂಗಾದೇವಿಗಿಂತಲೂ ಉತ್ತಮ ಯೋಗ್ಯತೆಯ, ಪ್ರಹ್ಲಾದರಾಜರು, ಧ್ರುವರಾಜರಿಗೆ ಸಮಾನರಾದ ಚೇತನೋತ್ತಮರು. (ದೇವತಾಗಣಪ್ರವಿಷ್ಟರಾದ ಚಕ್ರವರ್ತಿಗಳು) 
    
    ತಾವು ಶ್ರೀ ದತ್ತಾತ್ರೇಯರೂಪದ ಭಗವಂತನ ಉಪಾಸನೆಯನ್ನು ಮಾಡಿ ಮಹಾಸಾಮರ್ಥ್ಯವನ್ನು ಗಳಿಸಿರುತ್ತಾರೆ. ತನ್ನ ಸಾವು ಭಗವಂತನ ಮತ್ತೊಂದು ರೂಪದಿಂದಲೇ ಆಗಬೇಕು ಎಂದು ಪ್ರಾರ್ಥಿಸಿರುತ್ತಾರೆ. 
    
    ಅಸುರಾವೇಶದಿಂದ ತಪ್ಪು ಮಾಡಿರುತ್ತಾರೆ. ಭಗವಂತ ಆ ತಪ್ಪಿಗೆ ಶಿಕ್ಷೆಯನ್ನು ನೀಡಿ ಆ ನಂತರ ಅನುಗ್ರಹಿಸುತ್ತಾನೆ.  
    
    ಮುಕ್ತಿಯೋಗ್ಯ ಜೀವರು ತಪ್ಪು ಮಾಡಬಾರದು ಎಂದೇನಿಲ್ಲ. ಅಸುರಾವೇಶಕ್ಕೊಳಗಾಗಿ, ಕೆಲವು ಬಾರಿ ಗಳಿಸಿದ ಪುಣ್ಯ ಅಧಿಕವಾಗಿ ಅದನ್ನು ಕಳೆದುಕೊಳ್ಳಲು ಅವರಿಂದ ತಪ್ಪುಗಳು ಘಟಿಸುತ್ತವೆ. ಅಪರೋಕ್ಷ ಜ್ಞಾನಿಗಳಾದರೂ, ದೇವತೋತ್ತಮರಾದರೂ ಕಲಿ ಕೆಲವು ಬಾರಿ ಪ್ರಭಾವ ಬೀರುತ್ತಾನೆ. 
    
    ಆದರೆ ಮಾಡಿದ ತಪ್ಪಿಗೆ ಪಶ್ಚಾತ್ತಾಪದಿಂದ ಪ್ರಾಯಶ್ಚಿತ್ತ ಮಾಡಿಕೊಂಡು ಅಥವಾ ಶಿಕ್ಷೆಯನ್ನು ಅನುಭವಿಸಿ ಪಾಪವನ್ನು ಕಳೆದುಕೊಂಡು ಪುಟಕ್ಕೆ ಬಿದ್ದ ಚಿನ್ನದಂತಾಗಿ ಶ್ರೀಹರಿಯ ಲೋಕವನ್ನು ಸೇರುತ್ತಾರೆ.