Upanyasa - VNU975

ಚಿತ್ರಕೂಟದಲ್ಲಿ ಪರ್ಣಶಾಲೆಯ ನಿರ್ಮಾಣ

ಶ್ರೀಮದ್ ರಾಮಾಯಣಮ್ — 88

ರಾಮಲಕ್ಷ್ಮಣರೇ ತೆಪ್ಪವೊಂದನ್ನು ನಿರ್ಮಾಣ ಮಾಡಿಕೊಂಡು, ತುಂಬ ಜಾಗ್ರತೆಯಿಂದ ಅದನ್ನು ನಡೆಸುತ್ತ ಯಮುನೆಯ ದಾಟಿದ ಪ್ರಸಂಗದ ವಿವರಣೆ ಇಲ್ಲಿದೆ. ಜೀವಕರ್ತೃತ್ವದ ಕುರಿತು ಇರುವ ಪ್ರಶ್ನೆಗಳಿಗೆ ಉತ್ತರವನ್ನು ನೀಡುವದರೊಂದಿಗೆ. 

ತೆಪ್ಪದಲ್ಲಿ ಸೀತಾದೇವಿಯ ಬಟ್ಟೆ ತೋಯದಂತೆ ಒಂದು ಪುಟ್ಟ ಆಸನವನ್ನು ನಿರ್ಮಾಣ ಮಾಡುವ, ಕಾಡಿನಲ್ಲಿ ನಡೆಯುವಾಗ ಅವರು ಅಪೇಕ್ಷೆ ಪಡುತ್ತಿದ್ದ ಹೂ, ಹಣ್ಣುಗಳನ್ನೆಲ್ಲ  ನೀಡುತ್ತಿದ್ದ ರಾಮ ಲಕ್ಷ್ಮಣರು ಹೆಣ್ಣಿಗೆ ಯಾವ ರೀತಿ ಗೌರವ ನೀಡಬೇಕು ಎನ್ನುವದನ್ನು ತೋರಿಸಿಕೊಡುತ್ತಾರೆ.  ನದಿ, ವನಸ್ಪತಿಗಳಲ್ಲಿ ಸೀತೆ ತೋರುತ್ತಿದ್ದ ಭಕ್ತಿಯ ಚಿತ್ರಣದೊಂದಿಗೆ. 

ಲಕ್ಷ್ಮಣನಿಗೆ ಶ್ರಮವಾದಾಗ ಶ್ರೀರಾಮ ತನ್ನ “ಶಂಕರ” ಕರಗಳಿಂದ ಅವನನ್ನು ನೇವರಿಸಿ ಶ್ರಮ ನಿದ್ರೆಗಳನ್ನು ಕಳೆದ ರಾಮನ ವಾತ್ಸಲ್ಯದ ಚಿತ್ರಣ ಇಲ್ಲಿದೆ. 

ಕಾಡಿನಲ್ಲಿ ನಡೆಯುವಾಗ ಅಲ್ಲಿನ ಮರ, ಗಿಡ, ಹಕ್ಕಿ, ಪ್ರಾಣಿಗಳನ್ನೆಲ್ಲ ರಾಮ ಸೀತೆಗೆ ಲಕ್ಷ್ಣಣನಿಗೆ ಪರಿಚಯಿಸಿಕೊಡುವ ಘಟನೆಯನ್ನಿಲ್ಲಿ ಕೇಳುತ್ತೇವೆ. 

ವಾಲ್ಮೀಕಿ ಋಷಿಗಳನ್ನು ಭೇಟಿಯಾದ್ದು, ದಿವ್ಯವಾದ ಕ್ರಮದಲ್ಲಿ ಲಕ್ಷ್ಮಣ ಪರ್ಣಶಾಲೆಯನ್ನು ಕಟ್ಟಿದ್ದು, ಸೀತಾದೇವಿಯರು ಅದನ್ನು ಕೆಮ್ಮಣ್ಣು ರಂಗೋಲಿಗಳಿಂದ ಅಲಂಕರಿಸಿದ್ದು, ನಮ್ಮ ಸ್ವಾಮಿ, ಆ ಕ್ಷತ್ರಿಯೋತ್ತಮ, ಜಿಂಕೆಯ ಮಾಂಸವನ್ನು ಹೋಮಿಸಿ ವಾಸ್ತುಶಾಂತಿಯನ್ನು ಮಾಡಿದ ವಿವರಗಳು ಇಲ್ಲಿವೆ. 

Play Time: 50:33

Size: 3.84 MB


Download Upanyasa Share to facebook View Comments
6554 Views

Comments

(You can only view comments here. If you want to write a comment please download the app.)
  • Sree Hari,Mandya

    7:59 AM , 25/04/2022

    👍👍
  • K.N.Venkatesha murthy,Tumkur

    10:57 AM, 06/04/2022

    ತನ್ನ ಶಂಕರ ಕರ ಯೆಂದರೇನು  ಎಂದು ಕೇಳಬಹುದ. ಆಚಾರ್ಯರಿಗೆ ವಂದನೆಗಳು

    Vishnudasa Nagendracharya

    ಶಂ ಎಂದರೆ ಸುಖವನ್ನು. 
    ಕರ ಎಂದರೆ ಉಂಟುಮಾಡುವ.
    ಕರ ಎಂದರೆ ಕೈ. 
    
    ಶಂಕರ ಕರ ಸುಖವನ್ನುಂಟುಮಾಡುವ ಕೈ. 
  • Niranjan Kamath,Koteshwar

    8:11 AM , 06/04/2022

    ಶ್ರೀ ನಾರಾಯಣ ಅಖಿಲ ಗುರೋ ಭಗವನ್ ನಮಸ್ತೇ. ಗುರುಗಳ ಚರಣಗಳಿಗೆ ನಮೋ ನಮಃ. ಪರಮ ಮಂಗಲ ಪ್ರಸಂಗ. ಸೀತಾದೇವಿಯ ಬಟ್ಟೆ ತೋಯದಂತೆ ಆಸನ ಮಾಡಿದ್ದು ಅತೀ ಕರುಣ ಭರಿತ. ಧನ್ಯೋಸ್ಮಿ.

    Vishnudasa Nagendracharya

    ನಿಜ. ಅದ್ಭುತ ವಿಷಯವದು. ಲಕ್ಷ್ಮಣರ ಭಕ್ತಿ ಅನ್ಯಾದೃಶ, ಊಹಾತೀತ. 
  • Roopavasanth,Banglore

    11:18 PM, 05/04/2022

    Sree ramaya  namha ...jay sree raam..
    Innenu ramanavami habbada samaya ..rama seethe lakshamara kathe kannige kattuvanthide..namma maneyalle..Rama devaru iddare..ennuvastu bhavane baruthide nimma pravachana keli..ondu ondu matu padyagalu.Rama devara bagge keluvaga ..romanchanavathhade..Nimma lli ninthu helisutthiruva ..namma lli sravana madisuttiruva Rama devarige...namo namha

    Vishnudasa Nagendracharya

    ನಿಮ್ಮ ಪರಿಚಯದ ಪ್ರತಿಯೊಬ್ಬರಿಗೂ ಈ ರಾಮಾಯಣ ತಲುಪಿಸಿ. ರಾಮದೇವರು ಪ್ರತಿಯೊಬ್ಬರ ಮನೆ ಮನದಲ್ಲಿ ನೆಲೆಗೊಳ್ಳಲಿ. 
  • Jayashree karunakar,Bangalore

    9:39 PM , 05/04/2022

    ಪ್ರಶಾಂತವಾದ ಯಮುನಾ ತೀರದ ನಡಿಗೆ.... ತೆಪ್ಪದಲ್ಲಿ ಯಾವ ಭಾಗದಲ್ಲಿ ಯಾವ ವಸ್ತುಗಳು ಇದೆ... ಒಬ್ಬೊಬ್ಬರ ಭಾವನೆಗಳು....ಸ್ವಯಂ ಸಾಮರ್ಥ್ಯವಿದ್ದರೂ ಪರಸ್ಪರರಿಗೆ  ಕಾಳಜಿತೋರುವ ಪರಿ... ಜೀವ ಕರ್ತತ್ವವನ್ನು ಅರ್ಥ ಮಾಡಿಸುವ ಪ್ರಸಂಗ... 
    ವಾಲ್ಮೀಕಿ ಋಷಿಗಳಿಗೆ ರಾಮಚಂದ್ರನ ದರ್ಶನದಿಂದಾಗುವ ಆನಂದದ ಪ್ರಸಂಗ... 
    ರಾಮನಾಮದಿಂದ ಉದ್ದಾರವಾದ ಪರಿ.... 
    
    ನಮ್ಮಲ್ಲಿರುವ ಭಕ್ತಿಯನ್ನು ಜಾಗೃತಗೊಳಿಸಿತು... ಕ್ಷಣ ಹೊತ್ತು ವಾಸ್ತವವನ್ನೇ ಮರೆಸಿತು... 
    
    
    ಒಮ್ಮೆ   ಕೇಳಿದರೂ... 
    ಮತ್ತೊಮ್ಮೆ ಕೇಳಿದರೂ... 
    ಮಗದೊಮ್ಮೆ ಕೇಳಿದರೂ... 
    
    ಇಲ್ಲ ಪದಗಳೇ ಇಲ್ಲ ವರ್ಣಿಸಲು... 
    ಭಗವಂತನ ಭಕ್ತಿ ಭರಿತ ಕಥೆಯಲ್ಲಿ ಸಿಗುವ ಆನಂದವನ್ನು  ಅನುಭವಿಸಿಯೇ ತಿಳಿಯಬೇಕು... 
    
    ರಾಮನಾ ಕಾಲಕ್ಕೆ ಪೋಗುವಾಸೆ......

    Vishnudasa Nagendracharya

    ದೇವರ ಕಥೆಯ ಮಹಿಮೆಯೇ ಅದು. ಎಷ್ಟು ಕೇಳಿದರೂ ಕೇಳಬೇಕೆನಿಸುತ್ತದೆ. 
  • Srinivasa Deshpande,Chennai

    6:56 PM , 05/04/2022

    Ramayanam is happening in front our eyes! What a narration!
    
    I was feeling like, i am also walking along with Srirama seeta lakshman in the woods, and crossing Yamuna!
    
    Great narrative skills🙏

    Vishnudasa Nagendracharya

    ಗುರ್ವನುಗ್ರಹ. 
  • Narayanaswamy,Mysore

    4:54 PM , 05/04/2022

    ಗುರುಗಳಿಗೆ ಭಕ್ತಿಪೂರ್ವಕ ಪ್ರಣಾಮಗಳು 🙏🙏🙏🙇‍♂️🙇‍♂️🙇‍♂️🙇‍♂️

    Vishnudasa Nagendracharya

    ಶುಭವಾಗಲಿ. 
  • Prashanth,Bangalore

    3:27 PM , 05/04/2022

    ಗುರುಗಳೇ ಸೀತಾಮಾತೆ ದಶರಥರ ಬಗ್ಗೆ ಯಾಕಾಗಿ ಆಲೋಚನೆ ಮಾಡುವುದಿಲ್ಲ ಕೇವಲ ಕೌಸಲ್ಯ ದೇವಿ ಹಾಗೂ ಸುಮಿತ್ರೆ ಬಗ್ಗೆ ಅವರ ಸೇವೆ ಮಾಡುವುದರ ಬಗ್ಗೆ ಆಲೋಚಿಸುವುದು.

    Vishnudasa Nagendracharya

    ಸಾಮಾನ್ಯವಾಗಿ ಸೊಸೆ ನೇರವಾಗಿ ಸೇವೆ ಸಲ್ಲಿಸುವದು ಅತ್ತೆಗೆ. ಅತ್ತೆಯ ಮುಖಾಂತರವೇ ಮಾವನ ಸೇವೆ. 
    
    
  • Sanjeeva Kumar,Bangalore

    1:33 PM , 05/04/2022

    ಅನಂತ ಪ್ರಣಾಮಗಳು ಗುರುಗಳೆ, ತುಂಬಾ ಸುಂದರವಾಗಿದೆ, ಕಣ್ಣಿನ ಮುಂದೆ ಕಟ್ಟಿದಂತಿದೆ, ಆ ಜಾಗವನ್ನೆಲ್ಲಾ ನೋಡಬೇಕೆಂದು ಅನ್ನಿಸುತ್ತದೆ🙏

    Vishnudasa Nagendracharya

    ಅವಶ್ಯವಾಗಿ ಹೋಗಿಬನ್ನಿ. ಪ್ರಯಾಗದಲ್ಲಿ ಇಂದಿಗೂ ಭರದ್ವಾಜಾಶ್ರಮವಿದೆ. ಚಿತ್ರಕೂಟ ಪರ್ವತ ರಾಮಭರತ ಭೇಟಿಯ ಸ್ಥಳ ಎಲ್ಲವೂ ಇವತ್ತಿಗೂ ಸುರಕ್ಷಿತ. 
  • SUDHEENDRA H,Bengalore

    7:56 AM , 05/04/2022

    🙏 ನಮಸ್ಕಾರಗಳು

    Vishnudasa Nagendracharya

    ಶುಭವಾಗಲಿ. 
  • Badari Narasimha M P,Bengaluru

    6:29 AM , 05/04/2022

    ಶ್ರೀ ರಾಮಾಯ ನಮಃ. ಆಚಾರ್ಯರಿಗೆ ಅನಂತ ಪ್ರಣಾಮಗಳು

    Vishnudasa Nagendracharya

    ಶುಭವಾಗಲಿ. 
  • Sandeep katti,Yalahanka, bengalooru

    3:52 PM , 05/04/2022

    ಪೂಜ್ಯ ಗುರುಗಳಿಗೆ 🙏🙏.. ಲಕ್ಷ್ಮಣನಿಗೆ ಆಯಾಸವಾಗಿ ನಿದ್ರೆ ಬಂದಿತು ಎಂದಿರಿ.. ಆದರೆ ಅವರು ದೇವತೆಗಳು,ಅವರಿಗೆ ಹಸಿವು ಬಾಯಾರಿಕೆ ನಿದ್ರೆ ಭಾದೆ ಇರುವುದಿಲ್ಲ ಅಲ್ಲವೇ... ಹೇಗೆ ಅರ್ಥ ಮಾಡಿಕೊಳ್ಳುವುದು

    Vishnudasa Nagendracharya

    ದೇವತೆಗಳುಗೆ ದೇವತಾರೂಪದಲ್ಲಿ ನಿದ್ರೆ ಇರುವದಿಲ್ಲ. ಆದರೆ ಮನುಷ್ಯರಾಗಿ ಅವತರಿಸಿದಾಗ "ಸ್ವಲ್ಪ" ಪ್ರಮಾಣದಲ್ಲಿ ಇರುತ್ತವೆ. ಅದೂ ಸಹ ಅವರ ಉನ್ನತಿಗೇ ಕಾರಣವಾಗುತ್ತದೆ. 
    
    ಶ್ರೀ ಲಕ್ಷ್ಮಣರು ಹದಿನಾಲ್ಕು ವರ್ಷಗಳ ಕಾಲ ನಿದ್ರೆಯಿಲ್ಲದೇ ಸೇವೆ ಮಾಡುತ್ತಾರೆ. ಆ ಶಕ್ತಿ ಬಂದದ್ದೇ ರಾಮದೇವರ ಈ ಅನುಗ್ರಹದಿಂದ. ಆರಂಭದಲ್ಲಿ ಆಯಾಸದ ನಿದ್ರೆ ಬಂದಿತು, ಸ್ವಾಮಿ ತನ್ನ ಪರಮಮಂಗಳ ಕೈಗಳಿಂದ ಲಕ್ಷ್ಮಣರನ್ನು ನೇವರಿಸಿ ಆಯಾಸ ಕಳೆದು ಅವರಿಗೆ ಪರಮಾನುಗ್ರಹವನ್ನು ಮಾಡಿದ. 
    
    ಅರ್ಜನರು ಗುಡಾಕೇಶ ಎಂದೇ ಪ್ರಸಿದ್ಧರು. ಗುಡಾಕಾ ಎಂದರೆ ನಿದ್ರೆ. ಗುಡಾಕೇಶ ಎಂದರೆ ನಿದ್ರೆಯನ್ನು ಗೆದ್ದವರು. ಆದರೆ, ಯುದ್ಧ ನಡೆಯುವಾಗ, ಕರ್ಣನನ್ನು ಕೊಲ್ಲುವ ಹಿಂದಿನ ರಾತ್ರಿ ಅವರಿಗೆ ನಿದ್ರೆ ಬರುತ್ತದೆ. ಕನಸಿನಲ್ಲಿ ಸ್ವಾಮಿ ಅವರನ್ನು ರುದ್ರದೇವರ ಬಳಿಗೆ ಕರೆದುಕೊಂಡು ಹೋಗಿ ವಿಶೇಷಾನುಗ್ರಹವನ್ನು ಮಾಡಿಸಿ, ಶಕ್ತಿಯನ್ನು ನೀಡಿಸಿ, ಅವರಿಂದ ಶತ್ರುಸಂಹಾರವನ್ನು ಮಾಡಿಸುತ್ತಾರೆ. 
    
    ಹೀಗೆ, ಮನುಷ್ಯರಾಗಿ ಅವತರಿಸಿದಾದ ದೇವತೆಗಳಿಗೂ ನಿದ್ರೆ ಕೆಲವು ಬಾರಿ ಬರುತ್ತದೆ. ಆದರೆ, ಅದರ ಹಿಂದೆ ದೊಡ್ಡದಾದ ಕಾರಣವೇ ಇರುತ್ತದೆ. 
  • JOTHIPRAKASH L,DHARMAPURI

    11:06 AM, 06/04/2022

    ಗುರುಗಳಿಗೆ ಸಾಷ್ಟಾಂಗ ನಮಸ್ಕಾರಗಳು ತ
  • Sree Hari,Mandya

    10:47 PM, 05/04/2022

    Namaskar
  • Sowmya,Bangalore

    9:59 PM , 05/04/2022

    🙏🙏🙏
  • Madhura,Bangalore

    8:07 PM , 05/04/2022

    ನಮಸ್ಕಾರ ಆಚಾರ್ಯ ಅತ್ಯದ ತ ಆಗಿದೆ ನಿಮ್ಮ ನಿರುಪಣೆಯರೀತಿ ಮನೆಯವೇ ಮತ್
  • Meera jayadimha,Bengaluru

    10:48 AM, 05/04/2022

    ಗುರುಗಳಿಗೆ ಸಾಷ್ಟಾಂಗ ನಮಸ್ಕಾರ, ವಂದನೆಗಳು.
  • Kosigi shroff malathi,Hyderabad

    10:23 AM, 05/04/2022

    🙏🙏🙏