Upanyasa - VNU978

ದಶರಥರ ಶೋಕಸಾಗರ 

ಶ್ರೀಮದ್ ರಾಮಾಯಣಮ್ — 90

ದಶರಥ ಮಹಾರಾಜರು ಅನುಭವಿಸಿದ ನೋವು ಎಂತಹುದು ಎನ್ನುವದು ಯಾರಿಗೂ ಅರ್ಥವಾಗಲು ಸಾಧ್ಯವಿಲ್ಲ. “ಮತ್ತೊಬ್ಬರನ್ನು ಪ್ರಾಣಕ್ಕಿಂತಲೂ ಮಿಗಿಲಾಗಿ ಪ್ರೀತಿಸುತ್ತೇವೆ” ಎನ್ನುವ ಮಾತು ಅನೇಕ ಬಾರಿ ಅರ್ಥ ಕಳೆದುಕೊಂಡು ಬಿಟ್ಟಿರುತ್ತದೆ. ಹಾಗೆ ಹತ್ತಾರು ಬಾರಿ ಹೇಳಿಯೂ ನಮ್ಮವರನ್ನು ಕಳೆದುಕೊಂಡು ನಾವು ಆರಾಮವಾಗಿಯೇ ಬದುಕುತ್ತಿರುತ್ತೇವೆ. 

ತಲೆಯನ್ನೋ ಎದೆಯನ್ನೋ ಯಾವುದೋ ಶಸ್ತ್ರದಿಂದ ಆಳವಾಗಿ ಘಾಸಿ ಮಾಡಿದಾಗ ಆ ನೋವು ತಡೆಯಲಾರದೆ ಮನುಷ್ಯ ಸತ್ತು ಹೋಗುತ್ತಾನೆ, ಆದರೆ ಮಗ ಕಾಡಿಗೆ ಹೋದ ಎಂಬ ನೋವಿನಿಂದ ಪ್ರಾಣ ಬಿಟ್ಟವರು ದಶರಥರು. ಅಂದರೆ ಆ ನೋವು ಪ್ರಾಣ ತೆಗೆಯುವಷ್ಟು ತೀವ್ರವಾಗಿತ್ತು ಮತ್ತು ದಶರಥರು ಮಕ್ಕಳನ್ನು ಅಕ್ಷರಶಃ ಪ್ರಾಣಕ್ಕಿಂತ ಮಿಗಿಲಾಗಿ ಪ್ರೀತಿಸುತ್ತಿದ್ದರು.  ಅವರ ಆ ನೋವನ್ನು ಪೂರ್ಣವಾಗಿ ಅರ್ಥ ಮಾಡಿಕೊಳ್ಳಲು ಸಾಧ್ಯವಿಲ್ಲದಿದ್ದರೂ ನಿಷ್ಕಲ್ಮಶವಾದ ಆ ಸಾಗರದಂತಹ ಪ್ರೇಮವನ್ನು ಕಿಂಚಿತ್ತಾದರೂ ಅರ್ಥ ಮಾಡಿಕೊಳ್ಳುವ ಪ್ರಯತ್ನವಿದು.

Play Time: 45:12

Size: 3.84 MB


Download Upanyasa Share to facebook View Comments
6682 Views

Comments

(You can only view comments here. If you want to write a comment please download the app.)

  • Sree Hari,Mandya

    7:29 AM , 26/04/2022 

    👍👍

  • K.S.SURESH,BANGALORE

    12:28 PM, 19/04/2022 

    Your upanyaasa is one of the best and I was deep immersed in it. Thank you Guruji

    Vishnudasa Nagendracharya

    ಗುರ್ವನುಗ್ರಹ.

  • Sowmya,Bangalore

    10:45 PM, 13/04/2022 

    ರಾಮನ ವಿಯೋಗವನ್ನು  ಕೇಳಿದವರಿಗೆ ದುಃಖವಾಗುತ್ತಿದೆ.. ಇನ್ನು ದಶರಥ ಮಹಾರಾಜರು ರಾಮನನ್ನು ಕಣ್ಣಾರೆ ಕಂಡವರು ರಾಮನನ್ನು ಆಟವಾಡಿಸಿದವರು ಮೇಲಾಗಿ ಭಗವಂತ ಎಂದು ತಿಳಿದವರು.. ಹೇಗಿರಬೇಕು ಅವರ ದುಃಖ ನಮಗೆ ಊಹಿಸಲು ಸಾಧ್ಯವಿಲ್ಲ... ಶ್ರೀರಾಮಚಂದ್ರ 🙏🙏🙏

    Vishnudasa Nagendracharya

    ನಮ್ಮ ಕಲ್ಪನೆಗೂ ಮೀರಿದ್ದು ಅವರ ದುಃಖ.

  • Laxmi Padaki,Pune

    3:05 PM , 09/04/2022 

    ಆಚಾರ್ಯರಿಗೆ ನಮೋ ನಮಃ. ತುಂಬಾ ಚೆನ್ನಾಗಿ ವರ್ಣಿಸುವಿರಿ.ಧನ್ಯೊಸ್ಮಿ.🙇🙇

    Vishnudasa Nagendracharya

    ಶ್ರೀಹರಿವಾಯುದೇವತಾಗುರುಗಳು ಮಾಡಿಸುತ್ತಿರುವ ಕಾರ್ಯ.

  • Jayashree karunakar,Bangalore

    9:42 PM , 09/04/2022 

    ಇಷ್ಟು ದಿವಸ ಯಮುನಾ ತೀರದಲ್ಲಿ... ಕಾಡು ಮೇಡುಗಳಲ್ಲಿ.... ತೆಪ್ಪದಲ್ಲಿ.... ಋಷಿಗಳ ಆಶ್ರಮದಲ್ಲಿ.... ಚಿತ್ರಕೂಟದಲ್ಲಿ...   ಭಗವಂತನ ಸಾಮೀಪ್ಯವನ್ನು  ಆಸ್ವಾದಿಸುತ್ತಾ ಆನಂದಿಸಿದ ಮನಸ್ಸು.... ಇದೀಗ ಅಯೋಧ್ಯಯತ್ತ ಹೋಗಲು ಅದೇಕೋ ಮನಸ್ಸು ಹಿಂಜರಿಯುತ್ತಿದೆ ಅಲ್ಲಿಯ ಪರಿಸ್ಥಿತಿಯನ್ನು ಊಹಿಸಿ... 

ನಮ್ಮ ಪರಿಸ್ಥಿತಿಯೇ ಹೀಗೆ... ವಾಸ್ತವದಲ್ಲಿ ಮಾತ್ರವಲ್ಲ, ಕಥೆಯಲ್ಲಿಯೂ ಸಹ  ಕಷ್ಟ, ನೋವುವಿನ ಪ್ರಸಂಗಳನ್ನು ಎದುರಿಸುವಷ್ಟು ಶಕ್ತಿಯಿಲ್ಲ ... 

ಮಾವುತ ಮತ್ತು ಆನೆಯ ಹೋಲಿಕೆಯು  ಮನಪಟಲದಲ್ಲಿ ಕಾಣುವಂತಿತ್ತು...  ಹೃದಯತಟ್ಟುವಂತಿತ್ತು... 

"ಪ್ರಾಣಕ್ಕಿಂತ ಮಿಗಿಲಾಗಿ ಮಗನನ್ನು ಒಬ್ಬ ತಂದೆ ಪ್ರೀತಿಸುತ್ತಾನೆ ಅನ್ನುವದು  ದಶರಥಮಹಾರಾಜರ ವಿಷಯದಲ್ಲಿ  ಅರ್ಥಕಳೆದುಕೊಂಡಿಲ್ಲ... ಅಕ್ಷರಶಃ ಸತ್ಯವಾಗಿಹೊಯಿತು" ಎಂತಹ ನಿರ್ಣಯದ  ಮಾತು!!!! ಸಾಯುವಾಗ ಶ್ರೀರಾಮನ ಚಿಂತನೆ...   ಭಗವಂತನ ವಿರಹದ ದುಃಖ 🙏...

    Vishnudasa Nagendracharya

    ನಿಜ. 

ಮನಸ್ಸು ಕಷ್ಟದ ಕೆಲಸಕ್ಕೆ ಮುಂದಾಗುವದಿಲ್ಲ. 

ಆದರೆ ಕಷ್ಟದ ಘಟನೆಗಳನ್ನು ಕೇಳಿದಾಗಲೇ ತತ್ವ ಅರ್ಥವಾಗುವದು. ಕಷ್ಟವನ್ನು ನಾವು ಜೀವನದಲ್ಲಿ ಅನುಭವಿಸಿದಾಗಲೇ ಆ ತತ್ವಗಳು ಅನುಷ್ಠಾನಕ್ಕೆ ಬರುವದು.

  • M V Lakshminarayana,Bengaluru

    10:35 PM, 09/04/2022 

    ಶ್ರೀ ರಾಮಚಂದ್ರ, ಸುಮಂತ್ರನ ಮೂಲಕ ಕಳುಹಿಸಿದ ಸಂದೇಶ ಜೀವನಕ್ಕೆ ಪಾಠ. ಮನಕಲಕುವ ತಮ್ಮ ಪ್ರವಚನಾ ಶೈಲಿಗೆ,  ಅನಂತಾನಂತ ನಮಸ್ಕಾರಗಳು

    Vishnudasa Nagendracharya

    ವಾಲ್ಮೀಕಿ ರಾಮಾಯಣದ ಸೊಬಗೇ ಅದು. ಕಣ್ಣಿಗೆ ಕಟ್ಟುವಂತೆ ಘಟನೆಯನ್ನು ವಾಲ್ಮೀಕಿಗಳು ನಿರೂಪಿಸುತ್ತಾರೆ.

  • Kosigi shroff malathi,Hyderabad

    10:15 AM, 12/04/2022 

    🙏🙏

  • Jayashree karunakar,Bangalore

    9:49 AM , 10/04/2022 

    ಗುರುಗಳೇ 🙏

*ನಾಮಸ್ಮರಣೆಯು ಪರಿಹರಿಸಲಾಗದ ಪಾಪವನ್ನು ಮಾಡಲು ಸಾಧ್ಯವೇಇಲ್ಲ*
 ಅಂತ ಕೇಳುತ್ತೇವೆ. ಕುಳಿತಾಗ ನಿಂತಾಗ ರಾಮ ರಾಮ ಅಂತ ಪ್ರೀತಿಯಿಂದ ಕರೆಯುತಿದ್ದರು ದಶರಥಮಹಾರಾಜರು... 

ಸಾಯುವಾಗ ಅದೆಂತಹ ವಿರಹ!!! ವೇದನೆ ಊಹಿಸಲೂ ಸಾಧ್ಯವಾಗುತ್ತಿಲ್ಲ ನಮಗೆ. ಸಾವನ್ನೇ ತಂದು ಕೊಡುತ್ತಿದೆ ಆ ವೇದನೆ.. 

ಅದೆಂತಹ ಶಾಪವಿದ್ದರೂ,  ಅವರು ಮಾಡಿದ ನಾಮಸ್ಮರಣೆ ಕೆಲಸ  ಮಾ ಡಲಿಲ್ಲವೇ? 

ಅದೆಷ್ಟು ವರ್ಷ ತಪಸ್ಸು ಮಾಡಿ ಭಗವಂತನ ಅನುಗ್ರಹ ದಿಂದ ಪಡೆದ ಭಾಗ್ಯವೂ ಸಾಯುವ ಸಂಧರ್ಭದಲ್ಲಿ ದುಃಖವನ್ನು ತಂದುಕೊಡಲು ಸಾಧ್ಯವಾ?  

ಹಾಗೇ ಆಗಬೇಕು ಅನ್ನುವದು ಭಗವಂತನ ಸಂಕಲ್ಪವೇ ಆಗಿದ್ದರೂ.. ಆ ವಾಖ್ಯಕ್ಕೆ ಏನು ಅರ್ಥ ಹಾಗಾದರೆ?

    Vishnudasa Nagendracharya

    ಅತ್ಯುತ್ತಮ ಪ್ರಶ್ನೆ. 

ನಾಮಸ್ಮರಣೆಗೆ ಸಕಲ ಪಾಪಗಳನ್ನೂ ನಾಶ ಮಾಡುವ ಶಕ್ತಿಯಿದೆ. ಸಂಶಯವಿಲ್ಲ. 

ಆದರೆ, ಆ ಪಾಪನಾಶವೂ ಭಗವಂತನ ಒಂದು ನಿಯಮದಡಿ ನಡೆಯುತ್ತದೆ. 

ಬುದ್ಧಿಪೂರ್ವಕವಾಗಿ ಮಾಡಿದ ಪಾಪ ಎಂದಿಗೂ ಪೂರ್ಣವಾಗಿ ನಾಶವಾಗುವದಿಲ್ಲ. ನಾಮಸ್ಮರಣೆಯಿಂದ ಅದರಿಂದ ಉಂಟಾಗುವ ದುಷ್ಫಲಗಳಲ್ಲಿ, ನೂರರಲ್ಲಿ  99 ರಷ್ಟು ದುಷ್ಫಲ ನಾಶವಾದರೂ, ಕಿಂಚಿತ್ತಾದರೂ ಉಳಿದೇ ಉಳಿಯುತ್ತದೆ. ಕಾರಣ, ಆ ಪಾಪವಿದ್ದಾಗಲೇ  ಕಷ್ಚ ಒದಗುವದು, ಕಷ್ಟವಿದ್ದಾಗಲೇ ಸಾಧನೆಯಾಗುವದು. ಭಕ್ತಿ ಅಭಿವೃದ್ಧವಾಗುವದು. 

ಇಲ್ಲಿ ದಶರಥಮಹಾರಾಜರನ್ನು ಅವರು ಯಜ್ಞದತ್ತರನ್ನು (ಶ್ರವಣಕುಮಾರರನ್ನು) ಕೊಂದ ಪಾಪ ಫಲ ನೀಡುತ್ತಿದೆ. ಆದರೆ ಮತ್ತೊಂದು ಸೂಕ್ಷ್ಮವಿದೆ. ದಶರಥಮಹಾರಾಜರು ಯಜ್ಞದತ್ತರನ್ನು ಬುದ್ಧಿಪೂರ್ವಕವಾಗಿ ಕೊಂದಿಲ್ಲ. ಆದರೆ, ತೆಗೆದುಕೊಳ್ಳಬೇಕಾದ ಎಚ್ಚರಿಕೆಯನ್ನು ತೆಗೆದುಕೊಳ್ಳದೇ ಕೊಂದಿದ್ದಾರೆ. ಮತ್ತು ಶೃಂಗಿಯ ಶಾಪವನ್ನು ಪರೀಕ್ಷಿತ ಮಹಾರಾಜರು ಪರಿಹಾರ ಮಾಡಿಕೊಳ್ಳಲು ಸಮರ್ಥರಿದ್ದರೂ, ಆ ಪಾಪಕ್ಕೆ ಫಲ ಬೇಕು ಎಂದು ಶಾಪವನ್ನು ಸ್ವೀಕರಿಸಿದಂತೆ, ತಾವು ಮಾಡಿದ ಈ ಪಾಪಕ್ಕೆ ಶಿಕ್ಷೆಯಾಗಲೇಬೇಕು ಎಂದು ದಶರಥಮಹಾರಾಜರು ಬಯಸಿದ್ದರು. ಹೀಗಾಗಿ, ಈ ಪಾಪದ ಪರಿಹಾರಕ್ಕಾಗಿ ದಶರಥ ಮಹಾರಾಜರು ಯಾಚಿಸಿಯೇ ಇಲ್ಲ. ಕಿಂತು ಶಿಕ್ಷೆಯಾಗಲಿ ಎಂದೇ ಬಯಸಿದ್ದಾರೆ. 

ಮಹಾನುಭಾವರ ಚರ್ಯೆಯೇ ಹೀಗೆ. ತಾವು ಮಾಡಿದ್ದು ಘೋರತರ ಪಾಪ ಎಂದು ನಿಶ್ಚಯವಾದಾಗ ತಾವಾಗಿ ಶಿಕ್ಷೆಗೆ ಸಿದ್ಧರಾಗುತ್ತಾರೆ. 

ಅವರು ಶಿಕ್ಷೆಗೆ ಸಿದ್ಧರಾದ ಮಹಾಗುಣವೇ ಅವರನ್ನು ಕಾಯಿತು. ಶ್ರೀರಾಮಸ್ಮರಣೆ ಶ್ರೀರಾಮಚಿಂತನೆಯೊಂದಿಗೇ ಪ್ರಾಣವನ್ನು ತೊರೆದರು. ಅವರ ಒಂದೊಂದು ಕ್ಲೇಶವೂ ಅವರಿಗೆ ತಪಸ್ಸಾಗಿ ಫಲ ನೀಡಿತು.

  • Kengal venkatesha achar,Sindhanur

    12:41 PM, 09/04/2022 

    ಶ್ರೀರಾಮಚಂದ್ರ ದಶರಥನಿಗೆ 

ಹೇಳಿಕಳಿಸಿದ ಸಂದೇಶಗಳನ್ನು 

ಕೇಳಿದರೆ ಕಣ್ಣಲ್ಲಿ ಈಗಲೂ ನೀರು 

ಬರುತ್ತಾ ಇವೆ ಗುರುಗಳೇ ಆವಾಗ 

ಆ ಜನರು ಎಷ್ಟೊಂದು ವೇದನೆ 

ಪಟ್ಟಿರಬಹುದು

  • K.N.Venkatesha murthy,Tumkur

    12:35 PM, 09/04/2022 

    ಧನ್ಯೋಸ್ಮಿ ಗುರುಗಳಿಗೆ ವಂದನೆಗಳು

  • Srinivasa Deshpande,Chennai

    11:14 AM, 09/04/2022 

    No words. Literally no words. 

Gurugale as you said the pain of Dasharath maharaj is just unfathomable. 

His love and  affection towards Srirama are unparallel.

  • Niranjan Kamath,Koteshwar

    7:48 AM , 09/04/2022 

    ಶ್ರೀ ನಾರಾಯಣ ಅಖಿಲ ಗುರೋ ಭಗವನ್ ನಮಸ್ತೇ. ಗುರುಗಳ ಚರಣ ಗಳಿಗೆ ನಮೋ ನಮಃ. ಬಹಳ ಬಹಳ ಕಾರುಣ್ಯ ಪೂರ್ಣ ವಿಷಯಗಳು. ನೀವು ಹೇಳುವಾಗ ನಮ್ಮ ಕಣ್ಣಲೂ ನೀರು ತುಂಬಿದವು. ಧನ್ಯೋಸ್ಮಿ ಗುರುಗಳೇ ಧನ್ಯೋಸ್ಮಿ.